هاضت هجوسي بالبيوت الشواريد = من شرد الافكار فكري رسمهـــا
وجبت القلم والفكر حر بلا قيد = صاغ البيوت الهادفات وحسمهـــا
احد(ن) ليا منه غزى يكسب الفيد = غزيزته لن شافها مارحمهــــا
واحد(ن) يروم المجد ماله مناجيد = ضعيف من حاله وروحه سقمهـــا
وانا غزيت وجيتها فالمواعيد = وابااكتب اللي كان ربي قسمها
رجلي مضريها على رقية الحيد = دايم على الطــالات محفي قدمهـا
ياالله يامنزل على صحصح البيد = غر المزون اللي رعدها زهمهــا
غر المزون اللي مطرها تراديد = وجه البسيطه من غزيره وسمهــا
نطلبك للاسلام عز(ن) وتمجيد = ومكه وطيبه عز من هو خدمهــا
ونطلبك تهلك زمرة الشر والكيد = اللي على الاسلام طايش سهمهــا
اللي لهم عبر المحطات تهديد = بركانهاثاير ويقذف حممهـــــا
اهل الضلاله والوجيه المناكيد = رحولة الشيطان باسمه خزمهــا
باعواذممهم للنجوس المقاريد = والابريا راحـت ضحايا لغمهـــا
القتل ديدنهم وعنف(ن) وتشريد = ونيرانهم حسبي على من شعمهــا
تستروا بالدين مع زيد وعبيد = والحيه احذر ماسلم من لزمها
تنكروا لام (ن) غذتهم من الديد = وقامت على انقاض الخيانه ذممها
جام الغضب يبراه حمر العباريد = صبوه فوق المنشأت وهدمهــــا
ماراعوا النسوان وايضا المواليد = وشيوخ ركع روحوا في لهمها
لا والله فالعرب جابوا العيد = شله خسيسه لعن ابو من دعمها
ياامة القران وكتاب توحيد= يااحفاد من زلزل قريش وصنمها
تكاتفوا والعز فتل السواعيد= اقضوا على الفتنه وطشوا حزمها
ترى المعزه للرجال الصناديد= اللي وراها لين تطرح علمها
وكل(ن) بدوره يرفع الصوت ويشيد= باسم الوطن على الجبال وقممها
ترى العدو لن شاف ثغره يبا يزيد= والقاصيه للذيب يقطع نسمها
ولاتامنون الحيه ام اللغاديد= لو لان ملمسها ترى السم فمها
التميز
الإهداءات
قصيده وطنيه
