الزمن ياصاحبي ماله أمان..
والعمر يمشي وكل شي محسوب!
والقدر مكتوب والمخفي يبان..
وحظي العاثر طلع أكذب كذوب!
كنت أنا طيب وكل قلبي حنان..
وأحسبولي طيبتي ضمن الذنوب!
أذكر أني كنت ناجح من زمان..
بس أحس أني تعلمت الرسوب!
*)(* *)(*
حسافة صارت ايامي اسيرة حبك المخدوع..
اجيلك صادق بحبي وتفتح للغدر ابواب..
لقيت الكذب عنوانك وشوقك يا الغلا مصنوع..
وانا دايم ادور لك عن جروحك عذر واسباب..
اذا تامر على قلبي انا لك بالوفا مسموع..
اقدم لك سنا عمري هدية لك بدون حساب..
*)(* *)(*
مركون بين البحر والبيت وحداني..
ابني لروحي أمل وجروحي اتهده..
وامر قبل الغروب ارتب احزاني..
اطوي شراع الهوى وانوح وامـــده..
لايابحر منهو اللي ناسي الثانــي..
انا او اللي هجر شاطيك من مـــده..
*)(* *)(*
انا غريب الدار من بعد فرقاك ..
وانا سعيد الحظ لا صرت جنبي..
ياصاحبي روحي وفكري تمناك ..
يالتيني دايم على طول وياك..
ارتاح في شوفك ويرتاح قلبي..
*)(* *)(*
لو قلت اعزك سيدي ماتكفيك..
العز من قدرك تصفق كفوفه..
ولو اوصف إحساس الغـلا مايوفيك..
في حق الثريا قاصرات ||حروفه||
اقسمت لك باللي من الطيب معطيك..
ماشفت لي مخلوق هذي ||وصوفه||
*)(* *)(*
والله بدونك كل حياتي ولا شي..!
وش عاد بعت الناس! يكفي ||شريتك||
دامك تساوي ||بالغـلا|| ذا..مع..ذا..!
لبيه... آمر ...سم ...ابشر ...عطينك..
إلى تبي!وإن جيت ابي حاجت(ن)لي..!
ماابي سوى كلمه ||احبك||فديتك||
*)(* *)(*
ياكثر مااذكرك لا صرت وحدي..
وياكثر ماتنسى واقول معذور ..
تضوي نجوم الليل ويزيد ودي..
واذرف دموع الشوق لا شك مجبور..
أرجوك تذكرني ولو طال بعدي..
تذكر حبيب لك من البعد مقهور..
*)(* *)(*
يمكن طيبتي غلطة..!
تجازيني بها الأيام..
تعلمني أكون قاسي..
وأخلي عيونهم ماتنام..
خذوها سيرتي لعبة..
وزادوا بي جروح وآلام..
نسوا انه الزمان يدور..
وانه ربهم علام..
مصير الدنيا تجرحهم..
ويطعنهم كلام بسهام..
*)(* *)(*
لو تدري الشوق بعدك وين وداني..
مكان والله يمر البعد في بالك..
تبقى حبيبي ولو تزعل وتنساني
تبقى بقلبي كبير ودايم لحالك..
الليل بعدك ظلامه طال وأشقاني
والفجر نوره تعذر يطلب وصالك..
*)(* *)(*
من يقول اني بنسيانك نويت..
وإن تناسيتك يذكرني التعب..
مستحيل أنساك لوحتى قويت..
وإن قويت أنساك نسيانك صعب..
في دقايق غيبتك ياما بكيت..
ياما لعيونك تجاهلت العجب..
كنت ادور فيك عيب ومالقيت..
وان لقيت العيب يعجبني عجب..!
*)(* *)(*
المعذره ياحب ماني بناسيك..
مانساك لو تنسى الليالي قمرها..
ارسل فؤادي بالرسايل يخاويك..
طاريك يطريلي وروحي سمرها ..
ياوقت لاترمي علينا بلاويك..
من برها أوديتنا في بحرها ..
الحب حبك والمحبه تحييك..
حبك غمرني والمشاعر نثرها..
*)(* *)(*
كم من حبيب عن حبيبه تخلى..
هذا نسى حبه وهذا مفارق..
ولا انت حبك بالضماير تولاّ..
وأخذ على قلبي عهود ووثايق..
وأستبشر الخاطر بحبك وهلاّ..
بشرى السجين بيوم فك الغلايق..
سوالف من سمعها مايملاّ.
ينسى العنا والهم لو كان ضايق..
*)(* *)(*
أشره عليك وتحسب أني مجافيك..
وأغيب عنك وتحسب أنه تغلي..!
مهوجفا ياصاحبي يوم ماجيك..
مالي بغيرك يابعد كل من لي..!
لاوالذي سواك محد يساويك..
غلاك ماخلى لغيرك محلي..!
أن غبت بالوجدان روحي تناديك..وأن جيتني كل المشاعرتهلي..!
التميز
الإهداءات
أن غبت بالوجدان روحي تناديك..
