الله يستر مـن دلعـك ودلالـك

الشاعر : ناصر المطيري يقول

انت الوحيد اللي بقلبـي لحالـك =ضمك ورى حدب الحنايا ومخفيك
يبطي ويبطـي مايـدور بدالـك =ما دمت صافيله ودامه مصافيـك
الله لايحْرِمـه لــذة وصـالـك =والله لايسقيـه جرعـة تجافيـك
ماعذبـه الا دلـعـك ودلالــك =لكن تدلع جعـل ربـي يخليـك
يحق لك لوتفتخـر فـي جمالـك =الزين من ربي وربـي محليـك
دام الجديل اسود ظلامه وحالـك =ولو تنثره من فوق جسمك يغطيك
وسودٍ هدبها ترسله ثـم جالـك =وخدود مثل الورد منهو يضاهيك
والجمرتين اللي تزيـد اشتعالـك =ياحلو حبات البرَد بيـن اشافيـك
وعنق وقد وخصر ناحل وهالـك =مافيك حيله والشعـر مايوفيـك
الله يستر مـن دلعـك ودلالـك =لكن تدلع جعـل ربـي يخليـك

تسلمي كلك ذوق وصح لسانك ولسان الشاعر

تسلم الايادي يا ذوق اختيار رائع

صح بوحك وبوح الشاااااااااعر

صح لسان الشاعر وسلم ذوقك الراقي

احسنتي بالاختيار ياروح القصيدة روعة

صح لسان الشاعر والراوي خالص التحاياااااا