ماجاك الموتر اللّي ياكبر خشمه وصدّامه..

ابن هليل دقائق من وقتك

ولا يابن هليل لو ما أنته ما عكست السيّد=ماجاك الموتر اللّي ياكبر خشمه وصدّامه
لكن أن قالها الله طال عمرك في صلاة العيد=نشوفك فالصف الأول علاك عقال وعمامه

حيا الله لسان ثبيت


مع الظهر الله لا يبلانا ههههه

هلا يامرحبا يالشاعر اللي مايجيب جديد=سمعته مركم وأخذك يا ذيبان قدامه
ليا كبر إمام العيد ردد للدعا ترديد=وقول أمين لامني دعيت وقامت قيامه

لسان ثبيت / بن هليل

صح السانكم مع الظهر الله يقويكم والله يعينكم على الشمس

متااااااااابع لكم جميعاً .. تقبلووو تحيااااااااااااتي الخااااااااااصه ..

صقر عتيبة

لسان ثبيت ...... بن هليل

صحت السنتكم وبيض الله وجيهكم

ماعندكم وقت حامين بالليل والنهار

قيلو مع الظهريه ههههههههه

الله يعطيكم العافيه

ترى المشوار من مكة لمكة لا تروح بعيد=وأظنّك ماقريت اللّوحه ولا تعرف أرقامه
وأنا معناي ما أحطّة علامة فوق ظهر البيد=ترى معناي في جوف البحر دونه مية قامه

صقر/ابو عبدالرحمن


شكرا لكم على الحضور

صح لسان يا لسان ثبيت

وصح لسانك يا بن هليل


متابعين للجزاله واهلها واصلوووا

ترى الاسراف بالانفاق ما يمشي مع الترشيد=ومن صلى وصام لغير ربه ضيع صيامه
تعلمت القرآن وينقصك تتعلم التجويد=يا راعي ختمة ماني بعارف صحة إسلامه

ياسلامـــ ياسلامــــ

ترى ما كل من شال الصقر يقدر يصيد الصيد=لو أنّه يصبح بنجد ولا يمسي غير بتهامه
لو أنك دارس دروس النحو ماتجهل التوكيد=لكن أنته مدرس والفعل ماتعرف أقسامه

صحيح أنا معلم وأنت من علمك قنص الغيد=وأنا لو الزم القناص بقطع له أنسامه
عسى ربي يهن سعيده يا صاحبي بسعيد=يا راع البندق اللي مالها بالسوق سوامه