المواجـــــــع !!!

أسعدكم الله أين ما كنتم

الأبيات

الناس تشكي للطبيب المواجع...!=وأنا لربي لا توجعت مشكاي...!
مشكاي للي ما يذل المراجع...!=الواحد اللي يعلم بكل بلواي...!
ما حال ما بيني وبينه موانع...!=يرى لحالي ويتسمع لنجواي...!
يارب ترحم حال مذلول راكع...!=يا من بيدك الخير عجل لي دواي...!
كل يوم هم القلب يشتد طالع...!=والخوف كل الخوف من وقتي الجاي...!
عقب فراق اللي له القلب طايع...!=ما عاد يهناني طعامٍ(ن)ولا ماي...!
الروح بعده عايفة للمنافع...!=الشوق وسط القلب يعزف له الناي...!
طال الغياب ومخلب الوجد شالع...!=مشاعري والخوف دايٍ(ن)على داي...!
خائف بعد ماراح ما هو براجع...!=يا شيب عيني منه لو قال موجاي...!
بقضي بقايا العمر بالهم قابع...!=من حر مابي بزعج الكون بعواي...!
أعض من قهري لروس الأصابع...!=لا من تساوى صبح يومي وممساي...!
حطيت شعري فوق جرحي طوابع...!=ومشكاي للي عالم بكل رجواي...!
الناس تشكي للطبيب المواجع...!=وأنا لربي لا توجعت مشكاي...!

صح لسانك وسلم بنانك قصيدة طيبة


موفق

صح لسانك قصيدة جزلة من جزل بيض الله وجهك

قصيدة ممتازة صح لسانك وفقك مولاك

صح لسانك رائعة من روائعك الله يعطيك العافية

صح لسانك واعتلا شانك رائعة من روائعك


تقبل التحية

صح لسانك واعتلا شأنك



بدعت لا هنت

صح منطوقك ايها القدير قصيدة رائعة

مدخل شامخ وعمق القصيدة شوووق في شوق

سلم حرفك وروح يا شاعر القوافل

صح لسانك واعتلا شانك ابداع غير مستغرب


تقبل التحية