ياعادل الليل توك لا توخر ولع النار !!!

السلام عليكم ورحمة الله وبركاته


الليله الليله ترى الطاروق بيزين......مع شاعرنا الشاب


عادل الثبيتي


حياك الله يا عادل ....التراحيب مقدمة قبل القاف هههههههه من أوله ناري يالله سترك

ياعادل الليل توك لا توخر ولع النار=قرب حطبها وزين حمسة البن اليماني
إن كان شاعر فأنا للشعر يابو زيد بيطار=وإن كان منته بشاعر قولها وأحفظ لساني

الله الله صح لسانك واعتلا شانك وننتظر قبيلك الشاعر عادل وانا لازم الصف

وعليكم السلام ورحمة الله وبركاته وحياك الله يابن هليل في محلك واعذروني على التأخير درى


ما دريت الا الحين والله يخارج منك يابن هليل مافيك حيلة شاعر وجزل ومن بيت شعر ومعرفة


صح لسانك واستلم

ناري لك الله تشب وينتصيها كل مرار=والشاذلية تقر الراس هيل وزعفراني
شاعر وعندي على كيد المصايب عزم واصرار=بالطيب والا بغير الطيب ماشي يخفاني

حياك الله راعي محل منت بغريب

واستلم يالذيب

جهز ركايبك نبا وجهة المقناص لذمار=نبا نصيد طيور الليل في ذيك المثاني
نبا ندك الحصون ونخرج اللي داخل الغار=وإن كان منته خويي قوم وإسرج لي حصاني

صح لسانك ياذيب

استلم

يالله عسى الخير في درب(ن) يرد الجار للجار=لو كان مالي ومالك صيد في ذاك المكاني
انا معك لو حصون المنطقة تسقط وتنهار=الليل قوم وتحزم واللزم خطام العماني

صح لسانك واستلم....وغط البيت وبكرة لنا ميعاد ليا شاء الله

قبلك تحزمت ماني حاسب(ن)لصغار وكبار=لكن دامك خويي شد وسطك بالبطاني
الحية أم الشدوق أشوفها تقرب من الدار=السم في نابها وقرونها يم طهراني

بن هليل

عادل الثبيتي

الله يعطيكم الف عافيه على

هذه المحاوره الجميله والرائعه

فعلا قمة الابداع ومعنى مميز

مع الحدث شدوا الحيل وجعلكم

على القوه وتراني واقف في

الصف جنب راع الصدق

الليل الليل الليل

تقبلوا تحيتي واعجابي الشديد

صح لسانك يابن هليل

وصح لسانك يا عادل الثبيتي



وبيض الله وجيهكم

والله لا يلومك يابن هليل , تبي تردها عسكرية بآخر الوقت هههههههههههه

محاورتكم ممتعة

والله لا يحرمنا من جديدكم

بن هليل و عادل الثبيتي

صح السانكم محاوره تدور حول الاحداث ومعانية جميلة

وننتظركم الليلة نباكم تكملون الطاروق ...

وعانوني واقف في الصف جنب ابن عميش وراع الصدق

لكم تحيااااااااااتي

صقر عتيبة

الله الله


صحت السنتكم لا هنتم


تستاهلون لقب شعار المعنى



لكم التحية