غالي ويرخص للغلا كل غالي !!!

الليل كله منتظر شوفة اللي=ما فيه شيءٍ(ن)عن وجوده يسلي
هواه سيطر فوق روحي وكلي=قلبي يريده والمشاعر تريده
سهران ليلي وأتمنى مجيه=نسهر سوا بالعمر ليلة هنيه
قدام تطعنا سهوم المنيه=نكسب من الأعمار ليلة سـعيده
ساعة هنا بالعمر تسوى سنيني=تمسح عن المعلوق همٍ(ن)مكيني
والسر ما بين المهاوي وبيني=ما غير رب الخلق يعلم بعيده
هوى وليفي مشغلٍ(ن)كل بالي=مالك لواقع دنيتي ولخيالي
غالي ويرخص للغلا كل غالي=عسى حياته بالسعاده مديده
لكن حسافة راح ليلي ولا جا=ما جاء لشوقي والهموم إنفراجا
غير السهر والضيق بالصدر لاجا=هذا الذي في كل ليل أستفيده
أسهر وأساهر ساريات النجومي=كني معدي عاليات الرجومي
علي من ساري هجوسي هجومي=هاجس مصدر له وهاجس معيده
أذكر قديم أيام راحت بلاشي=وأخشى من أيامٍ(ن)تجيني بلا شي
أعيش عمري بأكمله فإبتلاشي=والغيب ماني عالمٍ(ن)ما جديده
الله يجيب الخير ويجيب خلي=قدام قوة عمرنا لا تولي
العمر لن قفا يشيب ويذلي=العمر محدودٍ(ن)وصعبٍ(ن)نزيده
وأخر كلامي مثل ما قلت ناطر=عل وعسى يجي ولو صبح باكر
اللي نهب عقلي وأخذ قلب جابر=الله يجيبه قبل حبه يبيده
العمر كله بنتظر شوفة اللي=ما فيه شيءٍ(ن)عن وجوده يسلي
هواه سيطر فوق روحي وكلي=قلبي يريده والمشاعر تريده

صح لسانك مدد ماهو عدد

تقبل التحية

صح لسانك وسلم بنانك احسنت لا هنت ايها الراقي

صح بوحك شاعرنا العذب رووووعة

ابدااااع يتجدد

صح لسااااااانك مدد بلا عدد

يعطيك العافيه يابن هليل

تقديري

صح بوحك روة تسلم الايادي والذوق

يسلمو شاعرنا صح منطوقك وذوقك

صح لسانك ولا هنت

تقبل اعجابي والتحية

قصيدة راقية اسلوب جديد صح بوحك

رائعة من روائعك صح لساااااااااااااانك