أحلام معسولة !!!

طابت أوقاتكم أين ما كنتم

ياليل شيًب قصيدي من سهر عيني=الفكر مشلول والأحلام مشلوله
طول السهر في زماني مثرٍ(ن)فيني=الروح من حر مابي حيل معلوله
كله سبايب هوى بالنفس مشقيني=حاولت اطوله لكني مقدر اطوله
حال الزمن والقدر ما بينه وبيني=أعوام أجر الونين وعين مبلوله
لا من ذكرت الوليف اللي مصافيني=ماهو بحولي ولاني عادني حوله
تضيق نفسي واقل ذكرى تبكيني=بالذات لا من تخيل عقلي لزوله
اللي من أول ليا شفته ينسيني=هم الزمن لا نظرته ضاع مفعوله
ودي بشوفه ترى شوفه يداويني=تبرى جروح الزمن عرضه على طوله
وليته من علاجه اللي فيه يسقيني=رشفة دوا تشفي الخاطر ومعقوله
وصله من العشق وجروحه بيشفيني=يشفي لما قلت واللي مقدر اقوله
لكن حظي غدا به والله يعيني=ما عاد يوقف نزيف القلب مرسوله
ما باقي إلا طيوف ٍ(ن)له توديني=أطياف من وقت فات أحلام معسوله
ماهي بتبري جروح ولا تشافيني=من لهفةٍ(ن)بالحشا ما هي بمعقوله
أيام وسنين حدتني وتحديني=وشلون اقنًع مشاعر عشق مذلوله
ياليل شيًب قصيدي من سهر عيني=الفكر مشلول والأحلام مشلوله

صح لسانك واعتلا شأنك

تقبل التحية

صح لسانك دائما مميز

تقبل التحية

صح لسانك لا هنت


تقبل اعجابي

صح لسانك وبيض الله وجهك لا هنت

صح لسااااانك

ابدعت وامتعت

صح لسااانك ابداع لا يستغرب منك

احسنت يعطيك العافية


موفق

صح لساااانك شاعرنا الرايع خالص الود

صح لسااااانك استاذ الشعر الراقي