طابت أوقاتكم
ياجنة العشق مدري جنة جناني=الشوق بالروح كيف الروح تطاقه
القلب والعقل والإحساس ولساني=والسمع والشوف والأنفاس مشتاقه
ودي بقربك لكن الحظ يحداني=الروح مشتاقةٍ(ن)والرجل منعاقه
الشوق يا منتهى حلمي تبلاني=ناره بوسط الحشا بلحيل حراقه
ليت الليالي تزين ونبتدي ثاني=نروي عروق الغرام وننهي شهاقه
لكن زماني فديته ما تفداني=ما عاد يرحم ولا في قلبه شفاقه
لو الزمن ينتظرني كانه أمداني=أسقيت غصن الهوى مايبست أوراقه
مير الزمن بالبلايا حطم أركاني=كسر مجاديف عمري والعهد باقه
ضحك عليه وضحكني وبكاني=والنفس من جهلها جايته منساقه
ياجنة العشق مدري جنة جناني=الشوق بالروح كيف الروح تطاقه
التميز
الإهداءات
جنة جناني !!!
رد: جنة جناني !!!
