يقولون الشعر من كلمة او نظرة او فكرة
هذه القصيدة وليدة كلمة ونظرة معا ...كنت بأحد الأسواق التجارية عابر سبيل
أتسوق لقضاء بعض الحاجيات وعند كونتر المحاسبة سمعت من تنادي على نورة
وإذا بنورة من تستحق أن يسجلها الشعر واسأل الله الغفران فهي لا تعلم بما دونت فيها
من بهتان في هذه القصيدة وربما أن ذلك أجر لها وذنب علي عسى الله أن يغفر لي اللغو بالقول قال تعالى:
*(وَالشُّعَرَاءُ يَتَّبِعُهُمُ الْغَاوُونَ) (الشعراء:224) *(أَلَمْ تَرَ أَنَّهُمْ فِي كُلِّ وَادٍ يَهِيمُونَ) (الشعراء:225)
المهم عساها تروق لكم وإستغفروا لذنبي وذنبكم
عاد للذكرى لو مرت أي نورة من هنا قد تظن أنها المقصودة فعذرا للنورات جميعا
تعالي حطي البصمة على قلبٍ(ن)طلب ودك=تراقص لك طرب مدري غرام وشوق يا نوره
تعالي وإحضني حلمٍ(ن)سرى ليله يبي مدك=يغازل طيفك الساري يزور الطيف ويزوره
تعالي يا غناة الروح يدي طالبه يدك=تعالي نوري ليلي يا ويلي منطفي نوره
تعالي يا غرام العمر محدٍ(ن)بالنساء قدك=ملكتيني بحسنٍ(ن)فيك مدري طيش مغروره
على دربك زرعت الورد لونه يشبه لخدك=وعطرته بعطر الحب ريح أنفاسك عطوره
فرشت لك الطريق لقلبي اللي مايبي بعدك=غرامٍ(ن)ينشده في كل ملهوفه وسنيوره
تعالي وإمسحي من كان قبلك وإحكمي شدك=على نبض المشاعر ظاهرة وإن كان مغموره
ترى ما عاد لي رغبه بغيرك رحم أبو جدك=فتنتيني عسى الله يفتنك بالخير وسروره
أشوفك بالسحاب ليا تحرك والهوى رعدك=وأشوفك فوق سطح البحر موجه يرسم الصوره
وأشوفك فوق شاشة حاسبي والغنج في لدك=وأشوفك في لحون الشعر حولك تزمي بحوره
أنادي لك بصمت شفاه وأتخيل صدى ردك=تقولي آآآآه من نار الهوى تحرقني حروره
أرد بدون مأشعر حدني للحب ما حدك=عسى كل العذارى فدوتك يأعز غندوره
فديتك ريحي فكرٍ(ن)تعب من هزلك وجدك=وروحٍ(ن)في غرامك كنها لاعب ورى كوره
تعالي حطي البصمة على قلبٍ(ن)طلب ودك=تراقص لك طرب مدري غرام وشوق يا نوره
التميز
الإهداءات
نـــــــورة !!!
