عقوق جمع الشمل في عرف الهوى !!!

طاب مساؤكم بالمسرات

ياشوق انا واياك نشكي من عقوق=عقوق جمع الشمل في عرف الهوى
يا ليتني واياك عاشق ومعشوق=نروي عروق الشوق من عد الروى
تروى القصائد والمشاعر والعروق=لا من تجمعنا بذا الدنيا سوا
هذا دوا قلبي وقلبك يا شروق=ما فيه غيره يا بعد عمري دوا
شروق رمز اسمك ورسمك فوق فوق=فوق الثريا والعذارى ما هوى
لكن من دونك محاذيرٍ(ن)تعوق=تعوق وصلي كنها نزع الشوى
وانا بعد قلبي من العشق محروق=من زود ما بي ذاب قلبي وانكوا
يا راقية يا ذوق مدري فوق ذوق=تفداك روحي والفؤاد وما حوى
ودي اسلطن معك والخاطر يروق=لكن يا ويلاه قربك ما نوى
ما حيلتي الا مجارير وطروق=ما كنها إلا صدى صوت العوى
أعوي عوى سرحان ما يلقى ريوق=الجوع يعصر فيه والحظ التوى
في داخله من قسوة أيامه شقوق=تنزف معاليقه بعد حظه ثوى
بيني وبين الذئب ما بعرف فروق=نجوع ما نطلب معونة من غوى
ياشوق انا واياك نشكي من عقوق=عقوق جمع الشمل في عرف الهوى

صح لسانك ولا هنت

احترامي

صح لسااااااااانك


ابدعت

راااائع صح لساااااانك وسلم بنااااانك

صح لسانك دائما مميز

تقبل التحية

صح لسانك لا هان راسك

تقبل اعجابي

صح بوحك واحساسك المرهف شاعرنا الراقي

رااااايع صح لسانك

كنت بين حروفك العذبة

صح لسانك وبيض الله وجهك لا هنت

نغيب و تاتي بالجديد


و الفريد


صح لسانك




تقديري