واحد الميزان رمزٍ للتوحد !!!

اليوم الوطني رمز توحد وبناء

واحد الميزان موعده في كل عام

وبهذه المناسبة يسرني طرح هذه المشاركة المتواضعة

أمل تحوز القبول من قبلكم

بعد بكره يا وطن شعبك معيد=عيدنا الميزان والدعوى محسومه
واحد الميزان رمزٍ(ن)للتوحد=في ربوع المملكة شعب وحكومه
الله إنه يرحم لشيخٍ(ن)موحد=قام صادق ما تراخت به عزومه
يوم أراد الله توكل ما تردد=لين أزاح الظلم وأحكامٍ(ن)ظلومه
مصدر التشريع ما جابه محمد=النصوص اللي عن الزيف معصومه
ما تساهل بالحقوق ولا تشدد=غايته بالعدل ينهي للخصومه
لين قرت واستقرت ثم عود=يسس الدولة على عز ومقومه
ثم ساد الأمن في دربٍ(ن)معبد=واعتلا البنيان في دار مهدومه
راية التوحيد علاها تسيد=فوق رايات الدول دوم محشومه
يا وطن بهناك مجدك بالممجد=في ذرى حكام بقلوب(ن)رحومه
بعد بكره يا وطن شعبك معيد=عيدنا الميزان والدعوى محسومه

صح لسانك


وافية من وافي ابيض وجه

صح السااانك يابن هليل ويعطيك العااااااافيه

تحياااااااااتي وتقديري

الله الله


صح لسانك والله يديم الافراح

ما قصرت صح لساااااااااااااااااانك

تسلم الايادي وصح لسانك يستاهل الوطن كل خير

صح لسانك واعتلا شانك


الله يعز الوطن والمواطن

صراحة ابداع


صح لسانك وسلم بنانك

صح لسانك مدد ماهو عدد


ابداع غير مستغرب

تقبل التحية

الله الله


رائعة وطنية بامتياز


صح لسانك