ليت محبوبتي تعرف معاناتي !!!

طابت أيامكم ولياليكم

ليت محبوبتي تعرف معاناتي=ما تهنا عيوني بالكرى ساعه
أتقلب على الجنبين ما أباتي=كن تحتي جمر والنفس ملتاعه
لا ذكرت الزمان اللي قبل فاتي=يوم كان الهوى مزيون مرباعه
يوم كنا نشم العطر بسكاتي=ما نعرف العنا والهم وأوجاعه
نسهر الليل ما نشكي للوعاتي=والمشاعر تحرس الجو فزاعه
نلتقي في هوانا كل لذاتي=وأنفس الشوق للمشتاق طماعه
مير وقتي تغير يا حسافاتي=وش يرد الغلا ويرد لأطباعه
بعد شان الزمان وحظنا ماتي=ما بقي غير روحٍ(ن)حيل مرتاعه
من يخفف عنا نفسي و وناتي=بعد شح الوليف وصعب مرجاعه
فاتت أيام غايب هي هيهاتي=ما رفع للمواصل لو سماعه
وإن بغيت أتواصل وأجمع أشتاتي=خايف يصدني والنفس جزاعه
يا خدين الهوى في كامل أوقاتي=والله إني عليك أحرص من الباعه
أنت من بين كل الناس بالذاتي=سو ما هو تبي والسمع والطاعه
دام محبوبتي تعرف معاناتي=ما تهنا عيوني بالكرى ساعه

صح لساااااااااااانك شاعر متألق

صح لسانك ولا هنت ابدعت


احترامي

صح لسانك ولا هان راسك ابدعت كعادتك

صح لسانك ولا هنت ابداع لا يستغرب من شاعر مثلك

ياسلام عليك
صح لسانك ونبضك وانفاسك

صح لسانك ولا هنت ابدعت الله يوفقك

صح لسانك وسلم بنانك لا هنت يالنشمي

روعاتك شاعرنا الفذ صح لسانك وسلم بنانك

صح لسااااااااانك

تقبل مروري