صفق الكفوفي !!!

أسعدكم الله أينما كنتم

الأبيات


............................

ياليل الشقا ياليل ياليل يا ليـل=علامـك تجد كل ليلة حسـوفي
حسوفي على راع الرموش المظاليل=عليه الخفوق يحن لهفه وخوفي
ليا من ذكرت اللي مضى من تعاليل=تلعثم لساني ما نطقت الحروفي
زمان الهنا ولى ويا ويل يا ويل=يا ويلي من أشواقٍ(ن)تصارع بجوفي
أبي صاحبي مشتاق له يا هلي حيل=غرامه ذبحني وتحداني ظروفي
غرامه مسوي في خفوقي غرابيل=سقمني وأنا عيني لسقمي تشوفي
تمنيت حظي بالليال المقابيل=يجيبه لكن الحظ عيـا يروفي
أخذ صاحبي والحظ ذيب الرياجيل=على سكته طول بوقتي وقوفي
عيوني تراقب كنها من درابيل=وأنا حيلتي يالليل صفق الكفوفي
أغني لحون الشعر وأبدع مواويل=وأسامر بليلي ساريات الطيوفي
توخر صحيبي ما بعث لي مراسيل=وأنا ما خبرته بالمودة عيوفي
أخبره حنون ما يحب البهاذيل=ليا من وعد ما يخلف الوعد يوفي
يا حظ العنا وشبدل الحال بلحيل=من الوقت وإلا حوف ولفي وحوفي
ياليل الشقا ياليل ياليل يا ليل=علامك تجد كل ليلة حسـوفي

الله الله


صح لسااااااااااانك يا شامخ

صح لسانك مدد ماهو عدد


ابدعت لا هنت


تقبل التحية

صح لسانك واحساسك شاعر الابداع

رووووعة صح لسااااااااااااااااانك

صح لسانك واعتلا شانك اكثر من رائع لله درك

صح لسانك شاعرنا روووووعة يعطيك الف عافية

تسلم ايدك وصح لسانك يا استاذ الشعر والمشاعر

الله عليك يابن هليل صح لساااااانك

مبدع كما عهدناااااك

يعطيك العااااااافيه ولك تقديري

صح لسانك وفيت وكفيت لا هنت يعطيك الف عافية