ياحلو منطوقه ويا خف دمه !!!

أسعدكم الله

قبل النوم أهديكم هذه الأبيات


علها تروق لكم

يا ما حلا طعم السوالف مع اللي=لا سولفت تجلي عن القلب همه
كلامها لو خِلط بالمر يحلي=ذوب العسل يا ناس منطوق فمه
يشتاق له سمعي وروحي وكلي=ياحلو منطوقه ويا خف دمه
لا زارني حل الهنا في محلي=وإن رحت له العطر يفرح بشمه
نعم خليلي بالغرام متعلي=أريد قربه وأتمنى لضمه
في جوها أسبح سواة المظلي=وإلا مثل شيخٍ(ن)كبيرٍ(ن)معمه
هذا حبيبي ما عشقته تسلي=فكري وقلبي مندفع شوق يمه
مشغول به ليل ونهار ومصلي =ياعز حالي واهج الشوق سمه
من دونها بالوقت ضائع مولي=كل هاجسٍ(ن)لا مر بالفكر خمه
أصير مثل اللي غريب متجلي=مع موج بحرٍ(ن)ما عرف عمق يمه
في مركبٍ(ن)والبحر موجه يتلي=أضعف قواه وبعثر لقوت لمه
يا قاف شعري خبره وش حصلي=خله يعرف بشوق قلبي وغمه
وإن رد لك جواب هاته وأهلي=فديت أهله وخال خاله وعمه
يا ما حلا طعم السوالف مع اللي=لا سولفت تجلي عن القلب همه

يشرفني ان اكون اول من

صافح وعانق هذا الابداع

والتميز الشعري الراقي

لك اجمل تحيه وتقدير

أبدعت حرفك استاذي ونسجت شعرك ببراعة

دام النبض والقلم ..

تقديري

صح لسانك يا مبدع القوافي ابدعت كعادتك

يعطيك الف عافية رائع ما خط قلمك صح لسااااااااااانك

لله درك شاعر متمكن صح لسانك واعتلا شانك


خالص الاحترام

صح لسانك واعتلا شانك رائع بكل قصائدك

يسلم راسك


خالص التحية

صح لسانك واعتلا شانك


ابداع معود ومشهود


خالص التحية

صح لسانك وافية من وافي بيض الله وجهك

صح لسانك مليون ولا يكفون


ابداع شاعر


تقبل التحية