الحبيبة جات !!!

بغير جو الأبيات

يا هنيك يا قلبي بالحبيبة جات=
فز وإبدع لها من هاجسي طاروق=
مرحبا ياهلا بك وابرك الساعات=
شوفة اللي لها نبض الخفوق يتوق=
قبل شوفتك فيني يا غلا وجعات=
كن صدري من الضيقة غدى مطبوق=
أتسلى بشعري وأجذب الونات=
قبل جيتك دمي ياهوى محروق=
لي سنة كل ليلة ساهرٍ(ن)ما ابات=
عرق قلبي عليها بالحشا مشقوق=
اتبع لطيفها واروح في سجات=
واحبس الدمع ما بين الهدب والموق=
منقهر بعض عمري يا حبيبي فات=
ما قضيته معك يا حالي المنطوق=
أنت بالقلب حبك مختلف بالذات=
فيك ما تشتهيه النفس والمعلوق=
فيك كل المحاسن قاهر الحلوات=
وفيك حسن الأدب والمعرفة والذوق
ما تشوفه عيوني فيك من حسنات=
ما لقيته ورب العرش في مخلوق=
تسلب الروح مني في حكي وسكات=
المشاعر بجوك يالحبيب تروق=
تعرف بحاجتي قدام أقل لك هات=
وأعرف بحاجتك وأمدها برفوق=
ما توخرت عنك بغالي الحاجات=
المحبة من الله نازلة من فوق=
أعشقت ما حييت وما بقي حياة=
حبك مخالطٍ(ن)فكري ودم عروق=
حبنا مختلف بين البشر وحيات=
ربي اللي جعلنا عاشق ومعشوق=
يا هنيك يا قلبي بالحبيبة جات=
فز وإبدع لها من هاجسي طاروق=

صح لسانك مدد ابدعت كعادتك


تقبل التحية

صح لسانك وبيض الله وجهك



ابداااااااع

صح لسااااااااااااانك


ابداع من شاعر متمكن

صح لسانك شاعرنا المبدع ربي يسعدك

رائعة من روائعك



صح لسانك وسلم بنانك

ابداع لا يستغرب من شاعر مثلك

صح لسانك يا راقي

صح لسانك واعتلا شانك ابداع


تقبل التحية

صح لساااااانك ولا فض فوك روعاتك

صح لسانك دائما متميز في قصائدك

لله درك

تقبل التحية