السلام عليكم ورحمة الله وبركاته
اطرح بين ايديكم هذه القصيدة واتمنى بأن تنال استحسانكم
الثبيتي صابه الريم بأهدابه = اجذبه دلو الهوا مارحم حاله
إن برى حاله من عيون نهابه = ناهبه قلبه وكبده مع اطحاله
العيون السود تأمر وجذابه = جاذبه روح المولع و مواله
طرفها قتَال ياويل من صابه = سلسلة من هو رآها بسلساله
الفواد يذوب من نقشت اخضابه = أشهد إن الريم كل الحلا طاله
الهوا غلاب والريم لعابه = من تعرض سيلها سيلها شاله
الهوا يأهل الهوا قفلوا بابه = راحت الارواح من سيل هماله
كم من الازهار طاحت من أسبابه = يبست الاغصان من عين قتَاله
كم من ورود الحلا تعشق ترابه = القلوب احلامها شربة دلاله
السهر ايحل لا شعشع غيابه = والقمر ايغيب لا بيَن هلاله
العنى يضوي ليا جهز ركابه = و إن ضوى ريم الفلا الغلا فاله
الفواد يشوفه أقرب من أقرابه = أقرب من العين لروح بوصاله
الوصل أعذب نهر يسحب أطيابه = والهجر ناره وقيده و مياله
الثبيتي صابه الريم بأهدابه = اجذبه دلو الهوا مارحم حاله
التميز
الإهداءات
الهوا يأهل الهوا
رد: الهوا يأهل الهوا
