المن والسلوى !!!

شعر ومشاعر

يامفتي المملكة بنشدك عن فتوى...=
النهب وشلون يا مفتي تجيزونه...=
ماني بخابر لشيخ أجاز للبلوى...=
الدين حرمه وأنتم تستبيحونه...=
نهبني اللي شفاته كنها الحلوى...=
هددني بسهم رمشٍ(ن)تطلق عيونه...=
أخذ لقبلي ولا فادتني النجوى...=
الناس صاروا على فعله يهنونه...=
لو هو قتلني يا مفتي ظنتي أشوى...=
من نهبة القلب وعيوني يشوفونه...=
يا شيخ لو شفتني وإياه في خلوى...=
اللي بلا قلب مثلي لا تلومونه...=
خلوني أشرب وأبل الكبد الين أروى=
من نبع صافي يداوي طعمه ولونه...=
برافقه وأهتني بالمن والسلوى...=
وليا تهنيت سو اللي تسونه...=
مالي على صاحبي ياشيخنا دعوى...=
متنازلٍ(ن)عنه وأنتم لا تضيمونه...=
الزين يسحر وأنا مفتون به وأهوى...=
صفات باللي نهب قلبي وياعونه...=
أُما تشاويت وإلا كنت به أغوى...=
يا شيخ مثلي على شنهو تحسدونه...=
منهوب قلبي يا مفتي شنهي الفتوى...=
النهب مسموح وإلا ما تجيزونه...=

صح الله لسانك يا استاذ الشعر



ابداع الله يعطيك العافية

صح لسانك مليون ولا يكفون ابداع لله درك

روووووعة ربي يسعد قلبك وصح نبضك

يا سلام يا سلام ابداع شاعر لله درك وصح لسانك وسلم بنانك

صح نبضك واحساسك شاعرنا الرائع ربي يسعدك ما يحرمك ممن تحب

صح لسانك دائما مميز



تقبل التحية

صح لسانك شاعرنا الراقي رووووعة تسلم الايادي

صح منطوقك استاذنا رووووعة من اجمل قصائدك ربي ما يحرمنا ابداعاتك

صح لسانك واعتلا شانك ابدعت لا هنت