أسعدكم الله
اليكم الأبيات وهي تعبر عن مضمونها
علموا شاعر يفصل في زمانه للمدايح=المدايح ما كسبها وجه مشهود له فله
شاعرٍ(ن)من حر مابه سكره والملح مايح=في عرقه وكل عرق من الزعل بالقلب تله
أرعب العالم بشعره يوم غنى للقرايح=يحسبونه يوم غنى في وطنهم يستحله
المدايح من نصيب اللي يشبون القدايح=في نهارٍ لا تناخوا ما دخل بالقلب ذله
يحتمون الماقف الغصاب ودبوش ومنايح=يعقدون حبال ويحلون حبلٍ(ن)صعب حله
مجنبينٍ(ن)عن علومٍ فيده لماجن وسايح=ما تعروا لأجل تنشر سالفتهم بالمجله
يامسرحت السوارح يا مضيعت السرايح=ما بنيتوا غيرعشه والعرب يبنون فله
من جهلكم تجلبون لكل هجفا والنطايح=الذبايح ما تجوز الا بذكرٍ(ن)خُص لله
مانعرف علومكم وشجدهن من المزايح=والفلوق الغايره ماهي مثل خدشه مجله
اللوايح ماتبان الا بتفسير اللوايح=ومن نسي لأول علومه ما يجيب العلم كله
الرجل صندوق حتى يبان منضوح النضايح=من بعدها ينكشف وضعه ويتبع أي مله
العلوم بلاش والأفعال ياشح الشحايح=لو قعد في مجلس الفنجال ماجوبه يزله
السوالف والمعارف بالزمن مثل الشرايح=شيء منها ما كماه وشيء منها فيه خله
يا مسديت السدي اللي تمد بلا طرايح=ما خبرنا مودماني هم فالذئب بيثله
الخبالة من نصيب اللي يحبون السدايح=والشكالة من نصيب اللي يعدي كل زله
الفصاحة من قديمٍ(ن)من نصيب أهل الفصايح=والسنع لن عمست الأريا ترانا من يدله
والشهامة والكرامة والشجاعة والسمايح=من وصوف المؤمن اللي لن غضب يكتم لغله
يذكر الله لن زعل ويحس دمه صار فايح=وأخرتها صل فرضك لا حضر بالوقت صله
لا تحمل لك حمولٍ(ن)ماأنت قادر للفدايح=وإن لعب بك حظك المقرود حملك غصب شله
كل شيء غير وجه الله ولو زان لك بايح=الأصل من طين وأتلاها تحت طينٍ(ن)نبله
كل حيٍ(ن)بالنهاية منزله تحت السطايح=هو مكان لكل منهو نحقره والا نجله
التميز
الإهداءات
المدايح ما كسبها وجه مشهود له فله !!!
رد: المدايح ما كسبها وجه مشهود له فله !!!
