طابت أوقاتكم
دندن الهاجس اللي كل ليلة يدندن=وامتطى صهوة الذكرى بسيف الحسايف
هاجسي جر للونة بحرقة ودشن=قافي اللي حموله ما تسمى خفايف
افتكرت الوليف اللي بقلبي تمكن=أخذ للقلب كله ما اكتفى بالنصايف
سيطرت فوق عقلي بالذكاء والتحنن=نادرة بالعذارى في جميع الوصايف
ذي سنة ما سمعت لصوتها والتشحن=ثقل سمعي وحسي صار مسقوم هايف
ما بقي غير شعرة بالعقل واتجنن=لن ذكرت الظروف اللي حدت للولايف
يا زمن ليش فينا بالقساوة تفنن=ليش ما ترحم قلوب العباد الضعايف
ليش بعدت مضنوني هواه امتبطن=للحشا والمشاعر ولا عدت شايف
والله إني ما اشوف من البني التحسن=دامني حي ماني يا زمن بله عايف
لو قضيت العمر كله حسوف وتغبن=عندي أهون من طعون السيوف الرهايف
التميز
الإهداءات
دندن الهاجس اللي كل ليلة يدندن
رد: دندن الهاجس اللي كل ليلة يدندن
