أسعدكم الله بكل الأوقات
العمر يمر ولو طالت سنينه فماهو إلا ثواني معدودة ونبضات محسوبة
تمر كأنها لمح البصر رغم ما فيها من لحظات قد لا تنسي قسوة ولينا
تذكرت حكاية الف ليلة وليلة فكانت هذه الأبيات علها ترقى لذائقتكم الشاعرية
ليلة تساوي الف ليلة وليله=نسيت فيها كل ما ضيق البال
ما بعدها ليلة تسمى جميله=مهما بقا للعمر من مقبل ليال
بعد فرحت بشوفتك ياخليله=كل هم شاله خافقي قبلك إنشال
تراقصت دقات قلبي حليله=من فرحةٍ(ن)ما ذاقها بكل الأحوال
موجوع له وقتٍ(ن)ومدة طويله=غايب عنه يابهجتي والبعد طال
يحمل هموم ثقال ماهي قليله=والبعد زاده فوق لوعته غربال
والليلة الليلة بعد هد حيله=عاد الأمل واليأس من داخله زال
بعد رجع غاليه نعمة جليله=الله لا يحرمه من عذب الأقوال
وقت البعد ماحط خلٍ(ن)بديله=والليلة الليله بها تضرب أمثال
إنزاح عن قلبي همومٍ(ن)ثقيله=بمسامر اللي ليلها يشرح البال
ليلة تساوي عمر مافيه ميله=ليلة ثمنها ما يقدر بالأموال
ليلة أصيلة والمسامر أصيله=سمارها شاعر وعاشق وخيال
أمثالها بين الليالي قليله=ليلة وفا ما عاشها كل رجال
ليلة تساوي الف ليلة وليله=نسيت فيها كل ما ضيق البال
التميز
الإهداءات
ليلة تساوي الف ليلة وليله !!!
رد: ليلة تساوي الف ليلة وليله !!!
