السلام عليكم ورحمة الله وبركاته
بكل الحب أهدي الأحبة أعضاء القوافل وزوارها
هذه الأبيات
علها تروق لهم وترقى لذائقتهم
خصوصا محبي الشعر منهم
يا منيتي يا بعد روحي وشفي=يغلى من الغالين وأكثر شويه
تعال وأسكن في سراديب كهفي=إسكن هنا بين الضلوع الحنيه
أقطف زهور الروح بيديك قطفي=وإستنشق زهور الغرام النديه
شوف الذي عن باقي الناس مخفي=شوف الجروح اللي بقلبي خفيه
وإن كان عندك طب للجرح يشفي=هاته لعل أعيش عيشة هنيه
ما جيتك الا بعد ما رف طرفي=جيتك بحب(ن)شاهده في عينيه
الطرف لا منه تشوق ورفي=نرتاح والا نموت ميتة سويه
جيتيك بقلبي شايله فوق كفي=هدية ما ريد منها جزيه
تزفه الأحلام للقاك زفي=عاتي غرامك هيجه يا بنيه
مدري يكفي او بعد ما يكفي=لكن ما عندي بداله هديه
وإن كان شفته يا غلا ما يوفي=أمنتك الرحمن رده عليه
بجمع بقايا العمر لأجلك وأصفي=وأعطيك كل اللي تطوله يديه
عقلي وروحي والمشاعر ولهفي=أحلامي أشواقي تراها عطيه
ماني بتارك شيء يعجبك خلفي=ما دامت إني حي والروح حيه
ما والله أترك مطلبك يوم وأقفي=حتى لو إنه فيه داع المنيه
بيديك عاد تشب نار وتطفي=وأنا بكيفك سو ما تحب ليه
ما همني لا صار بيديك حتفي=الموت واحد للنفوس الشقيه
هذي حياتي كلها في ملفي=جاتك حبيب الروح مية بميه
أخذ الذي يعجبك منها ودفي=باقي حياتي وأرم به في وريه
خل الجروح تزيد والا تجفي=أخر علاج الكي بيديك فيه
لا تأخذك رحمة بدمي ونزفي=بلية(ن)أهون ترا من بليه
يا منيتي يا بعد روحي وشفي=يغلى من الغالين وأكثر شويه
التميز
الإهداءات
يا منيتي يا بعد روحي وشفي !!!
رد: يا منيتي يا بعد روحي وشفي !!!
