فجتك نور الصباح=
تشبه لسيد الملاح=
لا تبسم من قصائد بحسنه قلتها=
لا بدا لول الثغر=
حاط به شبه الجمر=
كلمةٍ(ن) بقولها طحت ما كملتها=
وإن كسر بالعين طرف=
ضاع مني كل حرف=
بالعيون الخادرة سحر متحملتها=
العنود العيطموس=
خدها شرقة شموس=
المشاعر والشعر لأجلها جملتها=
الهنوف الفاتنه=
من فؤادي ماكنه=
عن عيون الناس بين الحنايا شلتها=
حلم عمري من سنين=
عندها قلبي رهين=
المشاعر عن جميع النساء قفلتها=
عندها حلمي وقف=
بعد من جرحه نزف=
من سنين طوال تو الغلا حصلتها=
جامعة زينٍ(ن)وذوق=
من قدمها لين فوق=
رائعة وأروع من أحلام قد خيلتها=
ناضجة عقلٍ(ن)وعلم=
واقعٍ(ن)يشبه لحلم=
عالجت لجروح روحي عقب غربلتها=
طاهرة من كل عيب=
كل مافيها عجيب=
كاملة والكامل الله وبختي نلتها=
التميز
الإهداءات
لؤلو الثغر !!!
رد: لؤلو الثغر !!!
