السلام عليكم ورحمة الله وبركاته
أسعد الله أوقاتكم بكل خير
واليكم أخر الجديد عله يروق لكم
لو بَعَدت بيني وبينك مسافات=أحسك أقرب يا هوى من وريدي
أنت تبات وفيني الشوق ما بات=كل يوم أحسه بالحنايا يزيدي
أخذ معه من عمر الأيام ساعات=كل ما تلاشى موج جاني جديدي
ماحيلتي الا تواجيع وآهات=وأحلام تسري بي لطيف(ن)بعيدي
أرقص مع الأحلام جوف المتاهات=سراب ما حصلت شيء(ن)أكيدي
حاولت أجمعها بعد راحت أشتات=لعلني أصل لشيء(ن)مفيدي
قدام لا يدري من الناس شمات=والا نحير عقل منهو رشيدي
لكنني هيهات هيهات هيهات=ما عاد لي حيله ولاهو بإيدي
حبك سكن في داخل الروح بالذات=ملك معاليق الهوى صرت سيدي
فوضت له أمري وسلمت بسكات=طوع فؤاد(ن)كان قبله عنيدي
صرت أتمنى شوفتك كيف ما جات=وأكتب أمانينا بوجه القصيدي
هذي بيوت الشعر عذبه وجزلات=كتبت فيها بعض ماهو نريدي
وأرسلتها يمك على شكل لوحات=الوان طيف ولحنها من نشيدي
متى التلاقي بس لو كان لحظات=قريب والا بالزمان البعيدي
هذي أحاسيسي تصور معانات=عاشق مناه يعيش لحظة سعيدي
لكن مدري كيف نطو المسافات=لو تنطوي يا فرحة الروح عيدي
التميز
الإهداءات
لو بَعَدت بيني وبينك مسافات !!!
رد: لو بَعَدت بيني وبينك مسافات !!!
