عذبت بالجوال !!!

أسعدكم الله جميعا

لفت نظري ما دونه نجم العرب بالاهداءات عن عدد قصائد القسم

فحبيت أكون صاحب القصيدة رقم 2013 لتوافق بداية عام 2013

والشاعر عثمان الثبيتي فاز بالقصيدة رقم 2012 متوافقة مع نهاية غام 2012

اليكم الأبيات

ياليل أنا عذبت بالجوال=من حرقتي خربت أزاريره
عاند معي بالبث والإرسال=ياكثرها زنَّة تصافيره
ما يقبل لدقة ولا مرسال=تطلع على الشاشه محاذيره
طلع لروحي ياعساه يزال=لا رحم صناعه وتطويره
ضيع عليَّه فرصة الأعمال=مع صاحبٍ(ن)موعده ماغيره
ولولا المسافة بالميات أميال=سريت له بمقفصٍ(ن)سيره
اللي ليا دقيت سلفه شال=ما تسمع لطقة مساميره
كنه هبوبٍ(ن)في قدوم خيال=ما يتعبك في نهزته قيره
لوكان له جنحان صال وجال=كن الجنون يدق له زيره
لين أصل اللي خاطرٍ(ن)بالبال=لين أبصره وأسمع تقاريره
ماهمني بالدرب مهما طال=الدرب ما تتعب مشاويره
لكن حداني بالزمان أحوال=الشيخ تلعب به تفاكيره
أخاف من هرج القفا والقال=وإلا تحيرني معاذيره
يا صاحبي صبرك لها حلال=الكل بأمر الله وتدبيره
يمكن يغير حالنا لا حال=والوقت تزهر لك نواويره
وأريح الأقدام والجوال=اللي خرب دقي لأزاريره

يشرفني ان اكون اول من صافح

هذا الابداع المميز

وافتتاحية العام 2013بهذه الدره الجميله

صح لسانك وبيض الله وجهك

وكل عام وانتم بالف خير

لك التحيه والتقدير

ابن هليل صح لسانك

وكل عام وانت والجميع بالف خير

ونسأل الله ان يكون هذا العام عاما حافلا بالخير والتقدم

عل الامتين العربية والاسلامية وان يحل الامن والامان عليهما

تحياتي للجميع

شاعر الابداع صح لسانك ربي يسعدك وما يحرمنا منك

صح لسانك مبدع بكل حالاتك تقبل خالص الود والاحترام

صح لسانك مليون ولا يكفون


تقبل مروري

صح لسانك وكل عام وانت بالف خير



تقبل التحية

صحيت وصح لسانك رائغك من روائعك لله درك

إبداع مميّز
من شاعر مميز
في تاريخ مميّز

تمنياتي لك دوام التميّز

يعٌطيًكًّـ ربيٌّ العْافيًه علىًّ طرٌحًّكً المٌّميّزً
بإنتٍظٌارًّ جًديّدْكْ القأآدمٌّ بٍكْل شٌّوقً
دُمتً مُبُّدعٌا بٍسٌّمْاءّ المُنتٌّدىًّ
جًّلْ وّديًّ وإٍحترآميًّ لكً
وكل عام وانتم بالف خير