ساكنة بين العقل والحشا !!!

الأبيات

يا ساكنة بين العقل والحشا=ترجمت لك دقات قلبي حروف
كل ما تولع خافقي وإنتشا=صاح القصيد وصافحته الكفوف
قصائدي للحب مثل الرشا=تجذب غرامك من بيار الطيوف
طيفك ليا منه لفكري غشا=ماعاد حالي يحتمل للوقوف
الرمش ياقف ما قوى يرمشا=من حسنك اللي كم تمنى يشوف
مشتاق لك شوق الجياع لعشا=مدري مثل حاتم بشوق لضيوف
أبيك عندي وأسمع توشوشا=يرتاح سمعي والمشاعر تطوف
حولك ومن حولك غرامي نشا=ما هزني بالكون غيرك هنوف
حبك بقلبي راسخِ(ن)ما فشا=محدٍ(ن)درى به غير ربٍ(ن)لطوف
ما باح به قلبي لمنهو وشا=ولا غيره وقتي وصعب الظروف
من يوم هو طفلٍ(ن)يا دوبه مشا=ترعرع بقلبي وشاخ بحسوف
لن غبت عني خافقي يبلشا=ما بين كيف وليت وإلا وحوف
يصحى بها قلبي ومر يغشا=صامد صمود طويق وجه العصوف
ما راق لي بالبيض غيرك حشا=أنتي تساوي بالعذارى صفوف
يا ساكنة بين العقل والحشا=ترجمت لك دقات قلبي حروف

مبدع كعادتك

صح نبضك وابداعك

الله على الابداع يا استاذ


صح لساااااااااااااااااانك

صح لسانك ونبضك واحساسك يا راقي

صح لساااااااااااااانك


ابداع من شاعر مبدع

صح لسانك وكل كيانك


موفق

تسلم الايادي والذوق الراقي يا استاذنا

صح لسانك ايها الراقي ابدعت

صح لسانك وبيض الله وجهك الله يعطيك العافية

صح لسانك ابداع يتجدد من شاعر متألق