ياهل التسليه وينكم

سلام ياديرة فيها يعيش الضعيف= وانا لو امرها مالي علاها نظر
نعرف حسين الشريف ومنسبه للشريف= ماينتسب للكويت ولا يداني قطر

الله الله


صح لسانك وبنتظار من يجاريك

مرحبا بك يا مخلف الهقوات

اقلط على شبّة النيران وانته حليف = يا مرحبا يا هلا يا مرحبا فالجمر
ياكثر هرج العرب فالداهيه والسخيف = خلوا علوم السعه هاتوا علوم المطر

بيض الله وجيهكم شعار ولافيكم حيله وحياكم الله فالمحل الرفيع

ماني حليفن لكم كب الكلام الحفيف= اهرج وعدل علومك مثل باق البشر
انا من اهل الوفا وادور اللي عريف= ادور العاقله ماجيت ادور غجر

يا راعي العلم علمك يا ولدها نظيف = هات الخبر يا عميلي واخذ مني خبر
انته تدور مصيفٍ في نهارٍ عسيف = الناقة اللي تشاول مالها الا العفر

بارك الله فيكم وجعلكم على الخير متعاونين

فارس زمانه
راع الصدق
المسعودي

شرفنا مروركم ومتابعتكم

يابلشتي بلشة مفتح لقي له كفيف= ان قلت عان الطريق يقول وين الحفر
خبازكم ياثبيت يدس نص الرغيف= والنص الاخر نشب في بلعمه والنحر

مادامني عارف اللي وش تحب و تعيف = ازرّطك يا ولد والباقي ادهى وأمر
انته تدف فجبل شامخ وطايل منيف = عارف محله وتكى فالوطن واستقر

ابيض وجه يا مخلف الهقوات

وصح لسانك

انا اعتذر منك يالغالي

جاني اتصال ولازم اطلع

ولنا لقاء ان شاء الله