مصافحة اولى اتمنى تنال رضاكم
علمتني كيف اتــّـنهد واقول ال آاه=وانا لّــ.. صدري عرفته بارد الانفاس
علمتني كيف اسمك احفظه ما انساه=وكيف تفضحني النظره قبال الناس
قل للسهر كم نغني ليل يا ليلاه=باليل وجهه قمر والصبح كالاشماس
ودّك غلاتك تقيسه داخلي تقراه=الشيك مفتوح وانت حط لك مقياس
ليت العنب يوم شفته صاحبي غطاه=ما كان مجنون ليلي يعصره بالكاس
ما كان قرص العسل راعي الحلا خباه=او كان كلمة غزل نكتب على القرطاس
او كان ظبي اليمن عود الطرب غناه=او كان خصر الغزاله اسمه المياس
ما عاد ينفع نقل لاهل الهوى عيباه=الثوب يطول ويقصر بس عند الساس
واحنا لبسنا الهوى من اسفله لعلاه=دام الثياب من حرير يا كثرة اللبــّّـاس
اضيع كالطفل بالعاني اذا ما تاه=والقاه في كل شارع يبتسم بحساس
في هودج الشوق جيته بالعطش اضماه=امسك بحبل الرجاوي بس يابس راس
اعتب عليه لا رفع لي بالسلام يــُـمناه=وشوف عينه ويدرى كم انا محتاس
ياليت شعري واعرف بس من قســّـاه=تعبت افكر واضرب خــُـمسها بسداس
خوفي .. حجاب القسى عرّافنا اعطاه=ولا من الخال صابه عرّقه الدّساس
اعشق جنونه اذا ابحر بلا مرساه=والجمر يحرق على درب الهوى من داس
ليت الهوى كان يعشق سلـّـطنه او جاه=كان من بريق الجواهر يشتريه الماس
,,
ليت العنب يوم شفته صاحبي غطاه .. بقلم
اخوكم
.. ميلاد اليماني
التميز
الإهداءات
ليت العنب يوم شفته صاحبي غطاه
رد: ليت العنب يوم شفته صاحبي غطاه
