قصيدة للأمير والشاعر / خالد الفيصل

قصيدة للأمير والشاعر / خالد الفيصل

من بادي الوقت وهذا طبع الايامـي ... عذبات الأيام مـا تمـدي لياليهـا

حلو الليالي توارى مثل الأحلامـي ... مخطور عني عجاج الوقت يخفيهـا

أسري مع الهاجس اللي ما بعد نامي ... وأصور الماضي لنفسـي واسليهـا

أخالف العمر وأراجع سالف أعوامي ... وأنوخ ركاب فكري عنـد داعيهـا

تدفى على جال ضوه بارد عظامي ... والما يسـوق بمعاليقـي ويرويهـا

الا صفى لك زمانك عل يا ظامـي ... اشرب قبل لا يحوس الطين صافيها

الوقت لو زان لك يا صاح ما دامي ... يا سرع ما تعترض دربك بلاويهـا

حتى وليفك ولو هيّم بـك اهيامـي ... سيور الأيام تجنـح بـه عواديهـا

صح لسانه

مشكور على القصيده

مشكور على النقل

قصائد الفيصل كلها رائعة

لك

تحياااااااااااتي

صح الله السااانك والسااان القائل

الله يعطيك العافية

لك خالص التحية

مشكووووووور يا الذيب على القصيدة الجميلة المنقولة



لك تحياااااااااااااااتي



صقـر عتيبـة