يا بوي
البيت لامنه فقد صوت راعيه = تلقاه مثل اللي وحيد(ن) خلاوي
حكم عليه الوقت يفقد غواليه = طبع الزمن ماهو بيرحم وياوي
يشيل همه ماقدر يوم يبديه = ما معه مخلوق(ن) وحاله شقاوي
عزي لمن مثله وهمه مخاويه = من جرح وقته مالقي له مداوي
فقد اعز انسان ماحد(ن) يساويه = انا اشهد ان الوقت فيه البلاوي
يابوي انا دمعي عن الناس مخفيه = من بعد فقدك ذيب الاحزان عاوي
كنت الامل والحب باسمى معانيه = وكنت الكريم اللي يسمى النداوي
علمتني اطيع ربي ولا اعصيه = وعلمتني ما امشي ورى كل غاوي
وان القناعه كنز يابخت راعيه = وانه عزيز النفس يبقى غناوي
وانه مع الصاحب تقل المشاريه = لان العتب لازاد قل المخاوي
اللي زرع للطيب لابد يجنيه = بالسيرة العطرة مع كل راوي
التميز
الإهداءات
يا بوووي
رد: يا بوووي
