تشتكي من برد واشكي من حروره !!!

ليلة باردة واحساس مختلف

العنود اللي هواها سم حالي=تشتكي من برد واشكي من حروره
ليتها قريًب واناديها تعالي=تكتهن عندي عن البرد ورشروره
ذي مناة الروح في كل الليالي=صورةٍ(ن)بالقلب ماهي بأي صوره
ما عشقت لغيرها فأول وتالي=حبها سيطر عليً بدون ثوره
واقع الترفة تمكن من خيالي=واستبد بواقعي واطعت شوره
إن شكت شكيت من جرحٍ(ن)موالي=خلف عوجٍ(ن)بالمواجيع معسوره
حبها بالقلب مشغل كل بالي=من سنين طوال بصمته محفوره
بالقصيد وبالفعول وبالتسالي=المشاعر بالهوى دوم معموره
لو شكينا من بعاد ومن وصالي=في غيابه لهفتي مثل حضوره
الغرام اللي زرعنا ما يزالي=تكبر غصونه ونزرع من بذوره
حبنا عالي ويبقى دوم عالي=والنوايا بالوفا دوم مخبوره
حيثها عندي تفوق لكل غالي=معجبتني دامها بي مغروره
العنود اللي هواها سم حالي=تشتكي من برد واشكي من حروره

صح لسانك واعتلا شانك


تقبل التحية

صح بوحك شاعرنا العذب روعة يعطيك العافية

صح لسااانك احسنت لا هنت


تقبل التحية

صح لسانك واعتلا شانك ابدااااااااع

تقبل التحية

صح لسانك واحساسك ايها الراقي

صح لسانك واعتلا شانك لا هان راسك

رائعة من روائعك المتجددة صح لسااااااااااانك

يا سلام صح لساااااانك رووووعة

صح لسااااااانك ابداع لا يستغرب من شاعر مثلك