يعربية دم منتوقة عنق !!!

الأبيات بدون مقدمات
...

فز قلبي يوم شفت اللي سلب عقلي حلاها=جات تجمح كنها الحرة بميدان السباقـي
قمت اهلي وارمي الغترة من الفرحة علاها=والمشاعر تشتعل بالجوف لهفة للعناقي
يا هلا يا مرحبا باللي شغل قلبي هواها=ما ذبحني غير حبك ياغرامي وإشتياقي
من سنين أرقب مجيك منية النفس ورضاها=مير وقتي ما تجمل طول الغيبة وأعاقي
لين روحي كلت وملت ولا نالت مناها=ما هقيت إن الليال السود تبطي بالتـلاقي
ثم جادت جود حاتم جابت اللي ما كماها=يعربية دم منتوقة عنق مدموج ساقي
جابت اللي ما شغل قلبي بذا الدنيا سواها=ابتهجت وحل في صدري رحابة عقب ضاقي
جات تشكي لوعة الفرقا وتبحث عن دواها=مثل مابي من حرروق مخليه قلبي حراقي
جات ملهوفة عليه مثل لهفي من غلاها=أقبلت فرحة عمر ما مثلها والجو راقي
راق فكري يوم حطيت ليديه في يداها=ابتسم حظي بعد طول البعايد والفراقي
طرت معها في متاهات الهوى روحي معاها=المشاعر تنتشي وتذوب في حلو المذاقي
كل ما قلت اسمعيني قاطع لحكيي حكاها=ريحة الأنفاس ورد وفل في زفر وشهاقي
كنها نسمة ربيع وحر صيف الله حباها=كل ما فيها يفوق الوصف فاق الحلم فاقي
الله اللي كمل الحلوة بحسنٍ(ن)قد زهاها=عيبها مافيه عيب احتج به وقت الخناقي
بالكلام المختصر والمعتبر ربي عطاها=مأخذه كل المحاسن ما بقي للبيض باقي
فز قلبي يوم شفت اللي سلب عقلي حلاها=جات تجمح كنها الحرة بميدان السباقي

صح لسانك شاعرنا روعة كعادتك تتحفنا بقوافيك

صح لسانك ولا هنت ايها الراقي


قصيدة رائعة بروعة شاعريتك

صح لسانك ولا هنت شاعر القوافل الراقي


تقبل اعجابي والتحية

صح لسانك استاذنا وشيخنا الفاضل


ابدااااع


تقبل احترامي

صح لسانك ولا فض فووووك شاعرنا المبدع

صح لسانك رائعة من روائعك المتجددة


تقبل مروري

صح نبضك واحساسك المرهف شاعرنا

صح لسانك ابدعت لله درك شاعرنا المميز

صح لسانك ولا هنت ابدعت شاعرنا رووووعة