دوك القصيـد اللي يقـبل أياديـك === ويعقد على جيدك جواهر كلامه
ويجمع اهازيج المشـاعر ويهديك === احلى كلام يليق بأحلا ابتسامه
من خـافقٍ رغم الجـفا ميتٍ فيك === يذوب في ذكراك حب وكرامه
منك الزعـل وانا عليَّ اراضـيك === حتى توافينا ثعـول الغمامه
وافز من احلى منـامي وانـاديك === وكم عاشقٍ شكواه تزعج منامه
يامن ترا عـيني وروحي تراعيك === اعطف على خلٍ تزايد هيامه
اقول في بعـدك وكنـي احاكـيك === الله يرد حبيـبي بالسـلامه
واسـهر على اطلال ذكرى لياليك === وليل الهوى والود مطول ظلامه
تآمر وأنا أقـلك على البعـد لبيك === واسرج حصان الوجد وارخي لجامه
وافزع فلـجات الأسى والشـرابيك === واكسر قراب السيف وارمي العمامه
ياعلـها تغـفر خطـايا محـبـيك === وتطفي بعد فرقاك لاعج غرامه
واسجع على غصنك مثل ساجع الأيك=== واخذ حلال الود واترك حرامه
ياســيدي جيـتك اقبـل أيـاديك === ودمح الخطا اسمى معالي الشهامه
التميز
الإهداءات
اعتذار
