طال إنتظاري والصبر والعنا طال !!!

اسعدكم الله في كل مكان وزمان

الأبيات

طال إنتظاري والصبر والعنا طال=العمر يمضى والهدف ما وصلناه
ما بيننا تفصل مسافات وأميال=ماله نهاية دربنا اللي مشيناه
حمل الأمل ثقيل ما عاد ينشال=كسر ظهور قلوبنا من عرفناه
ياما رسمنا له محطات وأجال=كل ما رسمنا بالليالي خسرناه
نركض ورى الأحلام مقفا ومقبال=ما فيه حلمٍ(ن)بالليالي كسبناه
هذا محال وذاك ما عاد ينطال=وش عاد باقي نعمله ما عملناه
ماعاد باقي شيء يذكر وينقال=حلو الكلام اللي نبي قبل قلناه
ما باقي إلا كيف حالك وش الحال=هذا الوحيد اللي بعد ما نسبناه
وأخاف ياتي يوم يمسح من البال=حتى لو انا بالليالي حفظناه
دام التلاقي بيننا صاير محال=ما يمكن نحقق لحلمٍ(ن)حلمناه
نزف المشاعر ما يوقفه مرسال=وإلا قصيدٍ(ن)للمشاعر كتبناه
الحظ يا شينه ليا كوع ومال=والهم ياكبره ليا من شكيناه
لكن على ربي لها يوم حلال=اما كسبنا العمر وإلا بكيناه
واللي كتبه الله علينا من أعمال=لازم علينا نأخذه لو كرهناه
لو طال صبري وإنتظاري معه طال=العمر يمضى والهدف ما وصلناه

صح لسانك دائما مميز


تقبل التحية

صح لسانك للرضا


تقبل اﻻعجاب والتحية

صح لسانك ابدعت ﻻ هنت

تقبل التحية

صح لسانك مليون ولا يكفون يا شاعر الابداع

صح لساااااانك يابن هليل ويعطيك العاااااااااافيه


احترااااااااااامي

صح لسانك وفيت وكفيت لا هنت تقبل التحايااااا

صح لسانك مليون ولا يكفون


ابدعت وامتهت لله درك

وصباحك خير

صح لسانك واعتلا شانك


تقبل التحية

الله الله


ابداع شاعر صح لسااااااااااااااانك