قصيدتي مهداه لشيوخ ذوي هليل الثبتة
بمناسبة حفل الشيخ عبدالله بن تركي الثبيتي
ابدأ بذكر الله قبل قاف نبنيه=يا مرحبا بإسم الشيوخ وجبرها
ألاد ثابت ساس بيت ومبانيه=وبن هليل شيخ هئية نظرها
ميراد حق ومن طلب حق يوفيه=حكمة تمد لمن مميز نشرها
ومن يقصر الحكمة يخيب الأمل فيه=ماهو بعارف بطنها من ظهرها
وبن هليل عد مروي ضواميه=يا كم من كسوراً بحكمه جبرها
وعلمٍ(ن)نعده فيه مليون راويه=وانشد رواته ثم تلقى خبرها
نجم ولا كل نجم يأصل هقاويه=نجمي سهيل ومنزله مع قمرها
وتركي ليا من حل ذكره وطاريه=يا كم شيوخاً في حججها قهرها
وجويبر بدربه على الدرب ماشيه=يالله ترحم من سبقنا سفرها
واليوم لمحمد لا خابت مساعيه=نجم النجوم اللي بعيد بظرها
وعبد العزيز الشبل الأخر وأحييه=سار المسيرة والعصا ما شقرها
ولا هي غريبة مجد حاضر وماضيه=وشيوخنا نار بعلم في ديرها
بمعيوض القاضي ارحب وأهنيه=على الحكم ما يصرف الا دررها
والشيخ عبدالله بنى البيت محييه=كل عام وعلوم الوفا ما قصرها
فنجال كيف الكيف ازله واقهويه=من دلةٍ(ن)مغليةٍ(ن)من جمرها
ومهما وصفنا بالشعر ما نجازيه=كل جزلةٍ(ن)وإن ما ذكرنا ذكرها
تاج الوفا يابو طلال الك نهديه=وأنته كفو في برها وفي بحرها
والجو ما يصعب عليكم مساريه=بالطيب وإلا بالقشر مع قشرها
ولحاتم الطائي لو مات تحييه=ريف الوفا في وقت شدة دهرها
واحب من حبه واعادي معاديه=محيي لذكري والزمن ما دثرها
وراء الهقوة وأعترف ما نجاريه=ومال العيون إلا مطاول سهرها
ومن نجد لأجل شيوخنا الدرب نطويه=لو يعترض دربي حصاها وشجرها
مجمع ثبيت ليا سمعت به نشريه=والوافيه يا حظ منهو قدرها
والمنتدى جابر منظم قوافيه=شيخٍ(ن)وشاعر والقوافي نصرها
وكل رجل بعتيبة موفي معانيه=ذباحة الحايل وسقما خطرها
قلته وفي كل دار موجود قاضيه=محمي حماها ما يقطف ثمرها
وختامها يالله ستراً تضفيه=وإجعل عدانا سمها في نحرها
التميز
الإهداءات
ابن هليل عد مروي ضواميه
