علامك لازم الصمت !!!

قصيدة بعد وعكة وعتاب

تقول:أنته علامك لازم الصمت=علامك لا سؤال ولا جوابي
تعاتبني يوم إني ما تكلمت=ما تدري وش حصل لي ويش مابي
عتابك يا غلا منه تألمت=بغيت أرمي من الضيقة ثياب
ياليتك يا بعد عمري تعلمت=عن أخباري قبل لوم وعتابي
لكن إسع لعذري بعد ما لمت=يا علي فدوتك اقرأ كتابي
حداني ظرف قاسي ما تحكمت=بحالي حين طولت الغيابي
وفضلت السكوت ولا تندمت=لأجل ما أزعجك وأتعبك بعذابي
قرابة شهر أنا مسدوح ما قمت=بمشفى والألم ما بعد طابي
أخذت أيام ثم ليال ما نمت=أداري عن محبيني مصابي
وذا الحينه بعد ما طبت سلمت=عليك وقلت لك يا أغلا مهابي
تحملت الأسى وحدي وحكمت=لعقلي فيك والحكمة صوابي
على شأن الغلا للصمت قدمت=على كل الحكي ودى وجابي
وحان البوح كان إنك تفهمت=معاذيري شفيعة يا حبابي
أنا حكيت وأنته لازم الصمت=علامك لا سؤال ولا جوابي

صح لسانك واعتلا شانك لا هنت

تقبل التحية

صح لساااااانك ولا هنت


تقبل مروري

صح لسااانك قصيدة معبرة


تقبل اعجابي

صح لسااااااااااااااااانك مليون

روعة استاذنا وشاعرنا الراقي صح بوحك

صح لسانك للرضا

تقبل التحية

صح لسااااانك ابدعت لا هنت لله درك

صح لسانك ملايين


تقبل التحاياااااا

صح لسانك ابدااااع لا يستغرب

تقبل التحية