ساحرة عذب القصيد !!!

أسعدكم الله

أبيات للتواصل بدون فاصل


علها تروق لكم

ياساحرة عذب القصيد الشعر عاجز عن صفاتك=حسنك وذوقك والأدب تبهت قواميس الشعر
وشلون بوصف حسنك الفتان يا زايد حلاتك=لولاك من جنس البشر لقول ما أنت من البشر
الورد نابت بالوجن والشهد ينقط من شفاتك=والوجه ياسبحان ربي بدر في ليل الشعر
من هامتك إلى قدمك الزين مغرق كل ذاتك=من وين ما وجهت عيني ينبهر فيك النظر
أنا أشهد إنك غير والله تعشقك حتى عباتك=يا حظ فستانٍ(ن)تغشى للمفاتن والخصر
يا بختهم ياغايتي أهلك وملبسك ومراتك=ياليتني وجه المراة أرافقك حل وسفر
معذور أنا كاني عشقتك علنى أفدى حياتك=لن كان مثلي ما عشق مثلك ترى عمره هدر
أعشق لهمسك في كلامك وأعشقك حتى بسكاتك=يا فاتنة لحن القصيد وساحرة حرف النثر
ياعل عشقي يا غرامي ينكتب لك بحسناتك=وأنا أدري إن العشق للعاشق يعدونه سحر
دام الليالي فرقتنا فاتني ما كان فاتك=طبع الليالي من قديم الوقت تعشق للغدر
أمانة الله أذكريني ياجنوني في صلاتك=إدعي لقلبي بالشفا من عشق مورده الخطر
هذي وصاتي ياغناتي علميني عن وصاتك=اللي تبينه أبشري به تأمري فوقي أمر
ياساحرة عذب القصيد الشعر عاجز عن صفاتك=حسنك وذوقك والأدب تبهت قواميس الشعر

صح نبض الطيب في شرايين قلبك الطاهر


دووومك رااقي و جزل

صح لسانك يا استاذ الشعر


دائما تتحفنا بقصائدك المميزة

الله الله


صح لسانك مبدع بكل حالاتك

يا لروعة ما دونت صح نبضك شاعرنا الراقي ربي ما يحرمنا منك

قصيدة جميلة بجمال مخيلة شاعرها

شكرا لك اخي الكريم

صح لسانك يا مبدع


دائما مميز

صح لسانك واعتلا شانك



ابدعت لا هنت

صح لسانك يا استاذ الشعراء


ابداع غير مستغرب


خالص التحية

صح لسانك يا استاذ


ابدعت لا هنت بارك الله فيك