نهـــــــــــــاية طـــــــــــريق!!

مساءكم شعر..

وقفت بنهاية طريق..أدوّر بداية طريق=وأقول لدروبٍ خذتك: هنيّها وهنيّها!!
تقطّع أنفاس الأمل مابه زفير ولا شهيق=والدار مايعجب هواها عُقبك ولا ميّها!!
لو السحاب يهل وبله فوقها مابل ريق=اللّي عطاء وجهه لدنياه وعطته اقفيّها!!
ولا أقول ماباقي على الدنيا صديق ولا رفيق=ألاّ..أصدقائيه بالعدد كثر النجوم وضيّها!!
وإعدائي تسع أعشار صدقاني ..ويانعم الصديق=اللّي يقول أصبر على جور السنين وغيّها!!
وألا ّ أنت ياللّي لو يجرّبك النحل عاف الرحيق=والشجره اللّي من هماليل السحابه ريّها!!
يمكن يضيق الكون أبك لكن صدري مايضيق=وعن لاهب الكنّه تناديك الضلوع وفيّها!!
أحلّفك باللّي جعل في مكه البيت العتيق=أنّك لتطوي صفحة الماضي وتنسى طيّها!!
تراي ماطيق الهجر والقلب برضه مايطيق=ومياسم الفرقا على قلبي توالى كيّها!!
وأنا الذي سيّست بنياني على الساس الوثيق=وعن كثرة علومي يكفّي ملحها وشويّها!!
محبتك لن جيت أدوّر زيّها شيًا يليق=مازيّها/مازيّها/مازيّها/مازيّها!!
والساعه اللّي ودّتك عنّي ..عساها في حريق=والساعه اللي ردّتك ترحب ويالله حيّها!!

وحياكم الله أنتم بعد

محبكم

عيضه الثبيتي
27/3/1433هـــ

أبو فيصل

صح لسانك قصيدة تستحق الإشادة مبنة ومعنى

سبك وحبك شاعر


لله درك


لك خالص تحيتي

صح لسانك الى ما لا نهاية



جزلة من شاعر جزل

صح لسانك وبيض الله وجهك


ابداع ليس بمستغرب

ياسلام عليك قصيدة رائعة بروعة شاعريتك صح لسانك

صح لسانك



رائعة من روائعك لله درك

صح لسانك واعتلا شانك



ابدعت لا هنت




تقبل التحية

الشاعر القدير / عيضة الثبيتي
قصيدة راائعة
صح لسانك ودام تميز بيانك
تحيتي وتقديري

صح لسانك واعتلا شانك



ابدعت لله درك

مساء الابداع
وبدايه الطـــريق الجميل
صح لسانك
راقي ومميز
تقبل تحياتي