عين العتيبي !!!

حسبي الله على بليسك يا عثمان

كسرت على حسابك طاعة العشر من ذي الحجة

ذكرتني بأيام الحوية يوم ما كان يشرب ضاميها

هذي مجاراتي لقصيدة الشاعر المبدع

عثمان الثبيتي

الواردة على الرابط

http://www.alqwafel.com/vb/showthread.php?t=19433


وهذا ما جادت به اللحظة على السريع عله يروق لكم

الغزال اللي لقيته صبح وإلا بالعشيه=هب ياعين العتيبي كنها وجه المرايه
شاف حتى شيء مخفي بالكثير وبالبليه=ما إكتفا بالنظرة الأولى تبع عين الغوايه
والله انا ما نبي يلحقك من عينك رزيه=مير هذي طبع للشاعر وبالشاعر هوايه
مثل رادار الهدا تصويرها مية بميه=يرصد الأهداف بالدقة ولا فيها درايه
صورت ماهو مستر بالهدوم اللي خفيه=مثل تصوير الأشعة في مشافي للرعايه
ياعساك تعرف منسب صاحبك وإلا وليه=كان تعرف ديرته إزبن على راع الولايه
إطلبه مثل العرب وإن كان ودك بالحميه=أبشر بعزك على جنبك ولا أحطك ورايه
لأجل عينك ما نحسب للخسائر ياشفيه=ندفع المال الجزيل ولا نحسب للعطايه
لين تأرد للعدود اللي مداهيجٍ(ن)رويه=ثم بل الكبد من هداجها يمكن ربايه
من بعدها ما تلد العين في زول البنيه=الحوية ما تمر لسوقها بعد العمايه
ما تغني للحون ولا تحب المطرويه=فيك ياشبه الغزال مقفية وإن كان جايه
لا تطاوع للعيون يجيك نكبة عالميه=شوف دربك بالعيون وخلها حقت قرايه
والسوالف خلها يالعامري للعامريه=مثل ما قال المثل:خلك على الدبرة كمايه

بن هليل

يشرفني ويسعدني ان اكون اول

من صافح هذه المجاراة الرائعه

والمميزه نعم القصيده ونعم المجاراه

شاعرنا المبدع صح لسانك وبيض الله

وجهك ..لك التحيه والتقدير

صح لسانك واعتلا شانك



كعادتك مبدع


موفق

لله درك


ابدعت وامتعت وفقك الله



تقبل التحية

صح لسانك للرضا رائعة وفقك مولاك تقبل الاعجاب

صحيت وصح لسانك ابدعت كعادتك

ابداع لله درك صح لسانك شكل الحوية شاغلة الشعار ايش فيها

صح السانك ... يابن هليل .... رد وافي تتجلى به الخبره ...

رد وافي من شيخنا الفاضل ابن هليل مثل ماذكر ابووليد تتجلى فيه الخبره تقديري للجميع

صح السانك يابن هليل ابيات وافيه