روحي تنادي والجوارح تنادي=وينك حبيب القلب بالله وينك
أحس لي بين الضلوع إرتعادي=مما جري يازين بيني وبينك
حبك بقلبي شيء مهو بعادي=لاغبت عني يوم بصيح فينك
أبيك تأخذني الك بالأيادي=مشتاق تحضني بكلتا يدينك
تلعب بي الأشواق رايح وغادي=أواه من قلب(ن)تولع بزينك
يزورني طيفك بوقت الهجادي=أسامره وأحلم بعطفك ولينك
الطيف طيفك بس مهو مرادي=لكن وينك ياغلا فاقدينك
حكمتني وأنا صعيب(ن)قيادي=غديت كني خاتم(ن)في يمينك
ملكتني وأوثقت ربطة قيادي=معاد أشوف النور غير بجبينك
يللي على شانه عشقت السوادي=لون الكحل اللي تحطه لعينك
لأجلك نسيت الحلم بعد الرشادي=كله على شان الهوا لا يهينك
كل يوم حبك عندنا بزديادي=على الخفوق أحلامنا كاتبينك
هذا غرامي ماحسبت إرتدادي=مدامت انا بالهوا عاشقينك
بس إجتهد وأنا علي إجتهادي=بكيد حسادي وكد حاسدينك
وإن كان فاديتي تراني بفادي=خلي قريني يرتبط مع قرينك
بعيش دنيا العشق حر وبرادي=وأكتب قصيدي فيك والله يعينك
التميز
الإهداءات
حبك بقلبي شيء مهو بعادي..!!!
رد: حبك بقلبي شيء مهو بعادي..!!!
