الليل الليل

ينومسني ويفرحني ليا كثروا رجال ثبيت=الا ياالله تجعل جمعهم جمع(ن) على الطاعه!
الا وين العميل اللي يجاريني على هاالبيت= نبا ناخذ ونعطي في رحاب العز لو ساعه!

صح السانك يا أبو فواز

الله يعطيك الف عافية على ها القاف الجزل ننتظر من يجاريك

ومتااااااااااابعين لكم جميعاً .. تقبلووو تحياااااااااااتي الخااااااااااااصه ..

صقر عتيبة

الله يعطيك العافيه ياصقر عتيبه وحياك الله في محلك ومرساك تقبل تحيتي وودي

الله الله



صح لسانك وبيض الله وجهك

هلا والله براع الصدق


الليل الليل أسرج الخيل وصب البن بالهيل

علامك يالمطوع قبل يذن قمت ثم صليت=قصرت الفرض قبل الكبتن يحدد إقلاعه
سمعتك ياعميل الخير تنخا ثبيت ثم لبيت=نبا ناخذ معك فصلين صيفية ومرباعه

انا موفي فروض الدين وانته ياعساك اوفيت= لكن احذر من الحايه على مركبك وشراعه
اللي عدة سنين انخى ودوبك يارفيقي جيت= لكنك بعد جيت افرح بغايبنا ومرجاعه

الله الله

يقولون المطوع يخلط السكر مع الحلتيت=وأنا قول المطوع ضاربه من وقتنا راعه
ليامن شاف له إثنين كنه راكبه عفريت=مخبي له جهاز وشابكن بذنيه سماعه

ترى سمعة رجال الدين ترقى في شفا قرنيت= ليا شديت حيلي صابتك في ماقفك ماعه
نخش ونفرع الهيه ونلزم راعي الشربيت= يجر بغاربه والرجل تربط في طرف شاعه

الليل الليل


حان وقت الصلاة

الا يا أصحابنا لا تشعلون النار بالكبريت=ترى الإسلام ياقوم اللحا ماهذي طباعه
ليا كثر الخطأ ماني بقابل عذر لو سويت=ترى العربان ما تسمع عمى يهش مقشاعه

ابدااااااااااع بيض الله وجيهكم


كفوووو والله بالاد ثبيت