طابت أوقاتكم أين ما كنتم
ياليل السعد قدام وقت المغابيش=توكلت باللي ما يخيب الرجا به
على الطاير اللي ما تعلا من الريش=أنا والقمر جيران فوق السحابه
من القاهرة ناصي دياري بلا طيش=ديار الرسول المصطفى والصحابه
ديار الكرم والدين والعز والجيش=لها عند كل الناس قدر ومهابه
تظلل بظل الأمن في رغد من عيش=في عهد المليك اللي يرد الطلابه
مليك الحزم والعزم شيخ المداهيش=زعيم الحرابة كان فيها حرابه
محصن بلاد العز جند وتفاتيش=على كل منفذ حط فرز ورقابه
بلادي نقشت لحبها فيً تنقيش=ببيت الفؤاد ولاش مني غرابه
هواها بقلبي مثل دمي به أعيش=لا بالله صبابة عشق وأحلى صبابه
ياقبلة صلاتي موطني فيك قد ايش=اسطر بيوت المدح نظم وكتابه
عسى الله يحرس موطن الفخر ويعيش=في ظل الملوك مروضين الذيابه
أنا جئت لك ما ارسلت عني مطاريش=يا دار ٍ(ن)بها ربعي صحاب وقرابه
يا كبتن ترفق نزل البيونج بشويش=على المدرج اللي ثلث ليلي سرا به
ياليل السعد قدام وقت المغابيش=توكلت باللي ما يخيب الرجا به
التميز
الإهداءات
أنا والقمر جيران فوق السحابه !!!
رد: أنا والقمر جيران فوق السحابه !!!
