تكفين ياكل الغلا لا تشحين !!!

أسعدكم الله

القصيدة رقم 99 ما قبل الأخيرة بالديوان رقم 14

اليكم الأبيات

تكفين ياكل الغلا لا تشحين=لامن طلبتك بالعطا بادريني
قلبي يسابقني ليا قلت تكفين=قلب الهوى مقسوم بينك وبيني
نبي نعيش لحبنا كالسلاطين=أمرك وأنتي بالهوى تأمريني
اليا طلبتك لا تقولين بعدين=يا كود ناوية ن بها تبعديني
لا تجلين لمطلبي تو ذا لحين=بعد العنا يا منيتي ريحيني
افرح بمدة منك ياكامل الزين=بأقل ميسور الهوى تسعديني
وليا عطيتي يا غلا لا تمنين=ترى التمنن يوجع الطيبيني
واخذي مطاليبك من الخشم والعين=يرخص لك الغالي ولو كان عيني
الحب لامنه جمع بين قلبين=الله على نزف المشاعر يعيني
نمسي ونصبح للمواجيع شاكين=من واهجِ(ن)بين الحنايا دفيني
سببه جرح الشوق والبعد والبين=وأفكار مجنونة تغيب وتجيني
قلبٍ(ن)يحب وعقل ما يعرف اللين=القلب يأمرني وعقل يعصيني
ودي أزور صويحبي وأقضي الدين=مير الظروف الثانيات تحديني
خوفي من العذال ومخالف الدين=تأمر وتنهى بالحشا يا ظنيني
مرت سنين وباقيٍ(ن)يمكن سنين=بين الرجا واليأس ضاعت سنيني
قضيتها متقلبٍ(ن)بين نارين=قلبي وعقلي فوقها تشتويني
إن جئت أجازف قيّد الحظ قدين=قيدٍ(ن)عليّ وقيد يمنع خديني
ما حيلتي إلا قصيد المحبين=أنشر عليه أشواقنا والحنيني
ما دام يا دنيا القسا ما تحنين=يكفيني أعرف قلب خلي يبيني
الزين يبقى زين ما يلحقه شين=والشين عمره ما رجع يوم زيني
أنا حبيبي حاتمي بالكريمين=مده يسابق بالعطايا يديني
ماهو كما الدنيا مثل حد سكين=ما يعرف الرحمة ولا فيه ليني
تكفين ياكل الغلا لا تشحين=لامن طلبتك بالعطا بادريني

الله الله


صح لسانك يا استاذ الشعر والشعراء


ابداع يفوق الوصف

استاذنا الغالي بن هليل

صح لسانك على هذا الابداع منقطع

النظير دمت لنا نبع عطاء مميز

لك التحيه والتقدير

صح لسانك وكل كيانك احسنت لا هنت الله يوفقك

ابداع من شاعر متألق لله درك

يا سلام عليك


رائعة من روائعك لله درك صح لسااااااااااانك

صح لسانك شاعرنا بدعت الله يسعدك

احسنت الله يعطيك الف عافية


تقبل الاعجاب

قصيدة اكثر من رائعة صح لسااااااااااااانك

صح لساااااااااانك

رائعة راقت لي