لكل زمان دولة ورجال
وسرعان ما تتبدل الاحوال باحوال
هذا ما تصوره الأبيات
والحكم لكم
ماكنت أخافك ياجميل المواعيد=لكن هذا اليوم والله خايف
من يوم وجهي شوهته التجاعيد=ماعاد حنا والعذارى ولايف
حتى ولو نفنا عليهن تساهيد=العمر روح من سنينه نصائف
ماعاد باقي شيء يجذب لنا الغيد=ولى زمانك يا جميل الوصايف
ماعاد فينا للخراعيب من فيد=شبابنا بين الضلوع النحايف
ماباقي الا رسم من دون تحديد=وسوالف(ن)يازينهن وطرايف
كنا من أول نطفح الكيل ونزيد=واليوم صار الكيل كله خفايف
ياما شربنا عد ونعود ونعيد=نشرب ونسقي جاليات الرهايف
وياما قدحنا في زناد البواريد=وياما طرحنا بالمرامي هدايف
وياما قطعنا لأجلهن شاسع البيد=نلقى ولو طال السفر كيف كايف
وياما قعدنا لصيدهن بالمواريد=وياما لنا حطن عطر وقطايف
وياما غزينا بعيد وأحلامنا بعيد=وياما نظمنا من قصيد الحسايف
وياما تلاقينا وقلنا تماجيد=واليوم أنا من حالنا صرت عايف
أسلي الذكرى بكثر التناهيد=يبست من الأهات حتى الشفايف
كنا نكيد الوقت واليومه يكيد=شوفة عيونك مثل ماليوم شايف
التميز
الإهداءات
يامـــا و يامـــا ...!!!
رد: يامـــا و يامـــا ...!!!
