الأبيات بدون مقدمات تعبر عن محتواها
كل يعاني في زمانه معاناه=محد(ن)بذا الدنيا من الهم مرتاح
الكل منا مشغله هم دنياه=شيء يجي مقبل وشيء قبل راح
ولا كل واحد ياخذ اللي تمناه=لابد بالدنيا خسارات وأرباح
مافيه منهو ما شكى يوم من آه=كل عرف في دنيته طعم الأجراح
نطرد ورا الأرزاق فينا مغالاه=ما ندري إن الرزق مكتوب بالواح
واللي يصير اليوم باكر نسيناه=نصارع الأيام بأحزان وأفراح
نكره نحب وكل ماهو فعلناه=نحمله بالأعناق ماعاد ينزاح
قدامنا يوم القيامة بنلقاه=مكتوب بالتفصيل من ذم وأمداح
أحد(ن)يبي ينجي ليا الله نجاه=وأحد(ن)بسوء أعمالهم في سعر طاح
هذا الذي يستاهل نقول ويلاه=ياليتنا نذكره بمسرى ومسراح
التميز
الإهداءات
كل يعاني في زمانه ...!!!
رد: كل يعاني في زمانه ...!!!
