الورد جايد بالوجن !!!

أسعدكم الله

أحيانا كثيرة يجمح بنا الخيال الى بعض الذكريات

وتحاول أن نرسم منها لوحات لواقع نعيشه

فنزيد أو ننقص منها لكي تظهر اللوحة جميلة

هذه الأبيات هبة نسيم من ماضي جميل

علها تروق لكم

يا فرحتي بشوفتك يا ناعس الطرف...=يا من وهبك الله جمالٍ(ن)طبيعي...
وجهك مثل وجه القمر لا تنصف...=ريان عودك مهتني بالربيعي...
الورد جايد بالوجن صالح القطف...=وشفاه حمرٍ(ن)مثل جمرٍ(ن)وليعي...
غير أشقرٍ(ن)منشور غطا لك الكتف...=عاكس لنور الوجه جاله شعيعي...
غضٍ(ن)غضيض ولا تراجعت للخلف...=ما هد حيلك هم وإلا رضيعي...
يا ما حلا نظرات عينك بها لطف...=شفتك وصار النبض فيني سريعي...
أنا وشعري فدوة الناعس الترف...=اللي مثل زبد بدفاةٍ(ن)يميعي...
مني سلام ومقصدي بتعرف...=لن كان صدرك للصداقة وسيعي...
وأنا بحضورك كل وقت أتشرف...=شرواك نشري بالغلا ما نبيعي...
تعال قرب صافح الكف بالكف...=إسكن بقلبي بالمكان الرفيعي...
يا من تساوي بالعذارى مية الف...=هواك في روحي وربي فظيعي...
قال:أركد أركد يسمعوك الملقف...=أخاف تفضحني وسري يشيعي...
قلت:الرجل بالفعل يا بنت يعرف...=أنتي دخلتي حصن شامخ منيعي...
الك العهد والعهد ما يوم بخلف...=ما أحدٍ(ن)يمسك لو روحي تضيعي...
سرك ببئر بخالقي الك بحلف...=إني لسرك كاتمٍ(ن)ما بذيعي...
قالت:وعد ... قلت:أثبته بالتصرف...=تأمر أمر والقلب مني يطيعي...
بأمر الله إنك يالغضي ما تحسف...=دام المواصل والتواصل شفيعي...
يا فرحتي بشوفتك يا ناعس الطرف...=يا من وهبك الله جمالٍ(ن)طبيعي...

الله الله ابدااااع

صح الساااااانك يابن هليل ويعطيك العااااااااافيه

تحيااااااااااااتي

الله الله


صح لسانك ابداع الله يعطيك الف عافية


خالص التحاياااااااااااا

صح لسانك مدد ماهو عدد

ابدعت لا هنت


تقبل التحية

لله درك


صح لسانك وابداع غير مستغرب

رائعة من روائعك صح لسانك وسلم بنانك

قصيدة راقية برقي شاعريتك صح لسانك ايها الشهم

كعادتك مميز


صح لسانك


تقبل التحية

روووعة صح لسانك شاعرنا الراقي ربي ما يحرمنا منك

روعه من روائعك المميزه

الله يعطيك الف عافيه

لك التحيه