يا هبوب الشرق هبي على الغرب بسلام=قربي لي مزنةٍ(ن)هزها هب الهوا
ليت مزنة شفتها شرق ترسل للغمام=يرتوي صدر العطش من هماليل الروى
العطش يبس عروق الفؤاد المستهام=من سنين القلب ماني بلاقي لـه دوا
مالقيت لطب يبري مواجيع الغرام=ما يداوي للهوى غير من ساق الهوى
وإن توخر بالدوا يحرم العين المنام=ما يطيب الجرح لو كان بالنار إنكوى
مير أنا عندي أمل فيك يا فرخ الحمام=تبري لجرحٍ(ن)جرحته يا عال المستوى
وإن خذتك الغطرسه والتعالي والخصام=الله إنه يرحم اللي لتركك ما نوى
مير خذ عني ترى ذبحة المسلم حرام=وأنت تدري ويش سويت في قلبٍ(ن)عوى
إرحم اللي جاك كله بشوقه والهيام=سلمك عمره وعقله وقلب وما حوا
يا هوى بال المعنى يا شوقٍ(ن)مستدام=طاح قلبي في غرامك و في نارك هوى
عند باب الود واقف تعداك الملام=ينتظر جود المشاعر تجمعنا سوا
يا هبوب الغرب هبي على الشرق بسلام=قربيني يم مزنة يصافقها الهوا
التميز
الإهداءات
عال المستوى !!!
رد: عال المستوى !!!
