ياخوك ياصاحبي ياساكن(ن) فالبال = ياساكـن الروح والوجدان يالصقار
ياخوك ضاقتبي الدنيا وشان الحال = يـاعـزوتي ياعضيدي وسيفي البتار
اليوم ضـاق الصدر وشانت الأحـوال = البعد عـذب فـوادي شـتـت الأفكار
الآن شـان الـزمـن وقـلـت الأعمال = الرزق عند العزيز الوالي الغفار
ليـت المحبة تجمع مثل جمع المال = جنيه لـيـره فـضـة درهـم ودينار
اليوم حـتـى ردي النفس حـط عقال = صار يتفاخـر على العقال والأحرار
راحوا وولو عيال الفكـر والعقال = وجونا عيال النكد والهم والأشرار
ياخـوك زرعي زرعته للأسف مـا طال = مدري مـتـى تثمر الاغصان بالأزهار
ياخـوك هـذا الذي ضيَق علي الحال = وصبحت فـي دنيتي التايه المحتار
نـمـشـي وتمشي مثلنا كـل الأجيال = نـمـشـي ولا ندري عن ظروف الأقدار
يـامـا رقـيـت جبال وجبال وجبال = كله على شـان أقـطف ورود الأشجار
دنيا الفتى كل يوم تأتي على حال = لاشــك وقــت الادمــي وقــت دوار
يـالله أنـا طالـبـك تحقيق الآمـال = يـارب يـاوالـي يـاعـلاَم الأسـرار
يـالله تـبـعـد عـنـنـا كـل زلزال = عـفـوك يامـن بيديه قصاف الأعمار
هـذا وصـلـى الله على خـيـر الأبطال = الـهـاشـمـي محمد هو خير الأبرار
التميز
الإهداءات
ليت المحبه تجمع مثل جمع المال
رد: ليت المحبه تجمع مثل جمع المال
