تسامرني وأسامرها !!!

ليت ولفي تروف بحالة المشتاق=لو ليلة تسامرني واسـامرها
لهفة الشوق فيني حيل ما تنطاق=الهوى متعبٍ(ن)روحي ودامرها
السهر يا غرامي جرح الاحداق=ايبس العين وادما لي محاجرها
طيف خلي ينوض بحجرها براق=يشعي النفس ويهيج مشاعرها
حرك لشوق ناري داخل الأعماق=مير نفسي بعاده غصب كاسرها
البعد حال دونك والزمن بواق=أحرم العين شوفة كحل ناظرها
ما بقي غير صوتك يعبر الأفاق=وإن توخر عيوني هل ماطرها
كل ليلة لصوتك ياغلا تواق=المشاعر تريدك وانت خابرها
لي سنة ياغرامي خاطري ماراق=ااااه من روح لا من شان خاطرها
كن بالكبد نار وجمرها حراق=يحرق عروق كبدي ما يوفرها
أتقلب كما اللي من مرض منعاق=القهر ناهش ضلوعي وناخرها
أحلم بوصل خلي نهتني بعناق=قبل الأجساد تدخل في مقابرها
مير يا شين حظٍ(ن)منكسر ما فاق=بعض الأحوال شين الحظ عاثرها
ما بقي غير ذكرى داخل الخفاق=ليتها يوم ترجع دام ذاكرها
يوم كنا نسابق لهفنا بسباق=لهفة الشوق فينا ما نوخرها
نقطف الورد ما نهتم بالأوراق=ما نحسب الليال تشين أواخرها
يالله إني طلبتك لا يحل فراق=يا عليم النفوس ويا مدبرها
توبةٍ(ن)قبل لف الساق فوق الساق=ورحمتك في مقاديرٍ(ن)مقدرها
ليت ولفي تروف بحالة المشتاق=لو ليلة تسامرني واسامرها

مصافحة ملكية

صح لسانك واعتلا شانك

تقبل التحية

صح لسااااااااااانك ابدااااااااااااااع لا يستغرب

صح لسانك وسلم بنانك


ابداااااااااع


تقبل الاحترام

صح لسانك قصيدة شامخة تعانق السحاب

روووعة صح لسانك وكل كيانك شاعرنا

بدعت صح لساااااااااااااانك


تقبل اعجابي

صح لسانك دائما مميز


تقبل التحية

صح لسانك وبيض الله وجهك قصيدة رائعة


احترامي

صح لسانك وكل كيانك استاذنا المبدع