عز التلاقي والعوض بالكلام !!!

أسعد الله مساءكم

الأبيات بدون مقدمات




.......................

ياطير ياللي بالعلالي تحوم=تقدر تودي للحبيبة سـلام
ود السلام وهات منها علوم=عز التلاقي والعوض بالكلام
ثم هات لي ياطير رد مختوم==عليه بصمة من زهاه اللثام
وليا نشد يا طير عند القدوم=بلغه عني ما ترى والهمام
إن كان في نعمة عساها تدوم=يهنا بحياته ما لحقه الملام
يا عل قسمه من خيار القسوم=من مبتدأ عمره وحتى الختام
قدره كبير بخافقي ومحشوم=وإن جاب لك سيرة رفيع المقام
قل صاحبك ما عاد يهناه نوم=عينه من اسبابك جفاها المنام
مشغول قلبه فيك ليلٍ ويوم=هواك سمه يا فراخ الحمام
ساهر مع أطيافك يعد النجوم=وضعه على ما قيل ماهو تمام
كن الخناجر تطعنه والسهوم=لا من تذكر للبعد يا حرام
كنه يساق لموت ظلم محكوم=وإلا عليلٍ(ن)ما بري من سقام
الحال ينزل والليالي خصوم=غره زمانه والأمل والحـلام
ما فادته بالعمر حلو الحلوم=يا سرع ما تكبر وتفنى قوام
أثر العوى ذيب الرجال القروم=كم واحدٍ(ن)روح ضحية غرام
درب الهوى ما يقدروه الرخوم=اللي هدفهم بالحياة السلام
العشق طاغي كم فرك من خشوم=كم واحدٍ(ن)ورده حوض الرحام
ما فادت اللي يبتلى به عزوم=ولا فيه حالٍ(ن)للمناعير دام
ياطير ياللي بالعلالي تحوم=تقدر تودي للحبيبة سـلام

صح لسانك مدد ماهو عدد


ابدعت كعادتك


تقبل التحية

صح لسانك رائعة من روائعك


تقبل التحايااااااااااا

ابدااااااااع

صح لساااانك يابن هليل ويعطيك العاااافيه


احتراااااااااامي

صح لسانك وفيت وكفيت لا هنت خالص التحاياااااااااااا

ابداااااااااااااااااع

صح لساااااااااااااانك

ابدعت للد رك ايها الشاعر القدير

صح لسانك شاعرنا ابدعت ربي يسعدك

صح لسااااااااااااااااااانك ايها الراقي

رائع لله درك صح لسااااااااااااااانك